મુંબઈઃગ્લોબલ સ્ટાર અને બોલિવૂડની 'દેસી ગર્લ' પ્રિયંકા ચોપરા આ દિવસોમાં ઘણી ચર્ચામાં છે. તાજેતરમાં તે બિગ ઈન્ટરનેશનલ ફેશન ઈવેન્ટ મેટ ગાલા 2023માં તેની સુંદરતાને ફ્લોન્ટ કરતી જોવા મળી હતી. અહીં તેની સાથે બોલિવૂડની 'ગંગુબાઈ' આલિયા ભટ્ટ પણ જોવા મળી હતી. આ સિવાય પ્રિયંકા ચોપરાનું ચર્ચામાં રહેવાનું બીજું કારણ તેની આગામી રોમ-કોમ ફિલ્મ 'લવ અગેન' છે, જેનું તાજેતરમાં પ્રીમિયર થયું હતું. પ્રીમિયર પછી, પ્રિયંકા ચોપરાએ તેના વિદેશી પરિવાર સાથે આફ્ટર પાર્ટી કરી અને પછી તસવીર સાથે સોશિયલ મીડિયા પર હંગામો મચાવ્યો.
રેસ્ટોરન્ટમાં પ્રિયંકા ચોપરા: આ તસવીરમાં પ્રિયંકા ચોપરા તેના આખા પરિવાર સાથે જોવા મળી રહી છે. પ્રિયંકા ચોપરાએ તેના ઇન્સ્ટાગ્રામ એકાઉન્ટ પર તસવીર શેર કરી અને લખ્યું, હું પરિવાર અને દરેકને પ્રેમ કરું છું જે સપોર્ટ કરે છે, તામારા વિના કંઈ પણ શક્ય નથી. લવ અગેન મૂવી, આફ્ટર પાર્ટી, સોના ન્યુયોર્ક. પ્રિયંકા ચોપરાએ આ પાર્ટી ન્યૂયોર્કમાં તેની સોના નામની રેસ્ટોરન્ટમાં કરી હતી. પ્રિયંકા ચોપરાની ન્યૂયોર્કમાં પોતાની રેસ્ટોરન્ટ છે, જ્યાં ઘણા બોલિવૂડ સ્ટાર્સ જોવા મળ્યા છે.