મુંબઈઃ બળાત્કારને પ્રોત્સાહન આપતી 'પરફ્યુમ એડ'ને (perfume ad promoting rape) લઈને બોલિવૂડ સ્ટાર્સમાં ભારે આક્રોશ જોવા મળ્યો હતો. પ્રિયંકા ચોપરા, ફરહાન અખ્તર સહિત ઘણા કલાકારોએ પ્રતિક્રિયા આપી છે. ફરહાને કહ્યુ ખૂબ જ ખરાબ છે અને દેશી ગર્લ પ્રિયંકા ચોપરાએ આ જાહેરાતને શરમજનક અને નિંદનીય ગણાવી છે. (Opposition to perfume ad) બોલિવૂડ કલાકારોએ આ જાહેરાતને બળાત્કારને પ્રોત્સાહન આપતી ગણાવી અને નારાજગી વ્યક્ત કરી.
આ પણ વાંચો:બોલીવુડ બાદશાહ શાહરુખ ખાન કોરોનાની ઝપેટમાં, બોલીવુડ જગતમાંં ભયનો માહોલ
કેવી રીતે મંજૂર કરી શકાય:ફરહાન અખ્તરે ટિ્વટ કરીને લખ્યું, 'આ ખૂબ જ ખરાબ અને મનને હચમચાવી નાખનારી જાહેરાત છે. આ વિશે વિચારવાની જરૂર છે. આ પ્રકારની બોડી સ્પ્રે એડ બનાવતા પહેલા ઘણા લેવલ ઓળંગીને ફિલ્ટર કરીને આપણા સુધી પહોંચે છે. તે કેવી રીતે મંજૂર કરી શકાય. શરમજનક.'
શું બળાત્કાર તમારા માટે મજાક છે: અભિનેત્રી રિચા ચઢ્ઢાએ કહ્યું, 'આવી જાહેરાતો કરવી એ અકસ્માત નથી. આ પ્રકારના એડ-ઓનમાં ઘણા સ્તરો છે. નિર્ણય લેનારા ઘણા છે. ક્રિએટિવ સ્ક્રિપ્ટ, એજન્સી, કાસ્ટ, ક્લાયન્ટ વગેરે, આટલા બધા લોકોમાં કોઈને તે વિચિત્ર લાગ્યું નહીં. શું બળાત્કાર તમારા માટે મજાક છે?'
કલાકારોના ટિ્વટ પર ઘણા યુઝર્સે પ્રતિક્રિયા આપી : પ્રિયંકા ચોપરાએ આ ટિ્વટ પર પ્રતિક્રિયા આપી છે. પ્રિયંકા ચોપરાએ લખ્યું, આ શરમજનક અને નિંદનીય છે. આ જાહેરાતને ફ્લેગ કરવા માટે કેટલા સ્તરની મંજૂરી લેવી પડી? કેટલા લોકોએ વિચાર્યું કે તે ઠીક છે? હું ખૂબ જ ખુશ છું કે લોકોને આ ખરાબ લાગ્યું અને હવે મંત્રાલયે તેને દૂર કરી દીધું છે. તે ભયાનક છે!' કલાકારોના ટિ્વટ પર ઘણા યુઝર્સે પ્રતિક્રિયા આપી અને સંમત થયા.
આ પણ વાંચો:શૂજિત સરકારની 'સરદાર ઉધમ'એ IIFAના પ્રથમ દિવસે મેળવ્યા 3 તકનીકી પુરસ્કારો
પરફ્યુમની જાહેરાતમાં શું છે?: તમને જણાવી દઈએ કે પરફ્યુમની જાહેરાતમાં જોવા મળે છે કે એક છોકરી સુપરમાર્કેટમાં શોપિંગ કરવા જાય છે, જ્યાં ચાર છોકરાઓ પરફ્યુમ લેવા આવે છે, જેવી છોકરી તેમની સામે આવે છે, કેમેરા એ છોકરી અને પરફ્યુમને કેદ કરી લે છે. કોણ છોકરી સામે આવતા જ ચાર છોકરાઓમાંથી એક કહે છે કે અમે ચાર છીએ અને આ તો એક જ છે, તો શોટ કોણ લેશે? જેના પર યુવતી ખૂબ જ ગભરાઈ જાય છે. પછી છોકરો પરફ્યુમની બોટલ ઉપાડે છે.
