Tribeca Film Festival: ટ્રિબેકા ફિલ્મ ફેસ્ટિવલમાં પ્રભાસની ફિલ્મ 'આદિપુરુષ'નું વર્લ્ડ પ્રીમિયર થશે

પ્રભાસ, કૃતિ સેનન અભિનીત આગામી ફિલ્મ 'આદિપુરુષ'નું ટ્રિબેકા ફિલ્મ ફેસ્ટિવલમાં વર્લ્ડ પ્રીમિયર થશે. ઓમ રાઉત દ્વારા દિગ્દર્શિત 'આદિપુરુષ' એ એક પૌરાણિક નાટક છે, જે રામાયણ પર આધારિત છે. અભિનેતા પ્રભાસે ગર્વની લાગણી વ્યક્ત કરી હતી. આદિપુરુષ ફિલ્મ તારીખ 16 જૂનના રોજ સિનેમાઘરોમાં રિલીઝ કરવામાં આવશે. સંપૂર્ણ સમાચાર અહીં વાંચો.

મુંબઈ:'આદિપુરુષ' ન્યૂયોર્કમાં ટ્રિબેકા ફેસ્ટિવલમાં સ્ક્રીનિંગ માટે તૈયાર છે. તારીખ 18 એપ્રિલે ફિલ્મ નિર્માતાઓએ શેર કર્યું કે, ફિલ્મનું વર્લ્ડ પ્રીમિયર તારીક 13 જૂને સમારોહમાં થશે. ઓમ રાઉત દ્વારા દિગ્દર્શિત આદિપુરુષ એ એક પૌરાણિક નાટક છે, જે રામાયણ પર આધારિત છે. આ ફિલ્મમાં સાઉથ સુપરસ્ટાર પ્રભાસ ભગવાન રામ, કૃતિ સેનન સીતા અને સની સિંહ લક્ષ્મણના રોલમાં જોવા મળશે. સૈફ અલી ખાન આ ફિલ્મમાં રાવણની ભૂમિકામાં જોવા મળશે.

આ પણ વાંચો:Shah Rukh Khan: ફેમીલી સાથે શાહરૂખ ખાનની અદ્રશ્ય તસવીર, યુઝરે કહ્યું- 'પઠાણ પરિવાર'

ટ્રિબેકા ફિલ્મ ફેસ્ટિવલ: પ્રીમિયર વિશે ઉત્સાહિત દિગ્દર્શક ઓમ રાઉતે કહ્યું કે, ''આદિપુરુષ કોઈ ફિલ્મ નથી તે એક લાગણી છે. તે આપણને એક સ્ટોરીનું વિઝન આપશે, જે ભારતની ભાવના સાથે વહેતી હશે. વિશ્વના પ્રતિષ્ઠિત ફિલ્મ ફેસ્ટિવલમાંથી એકની આદરણીય જ્યુરી, જેને હું હંમેશા જોવાની આકાંક્ષા રાખતો હતો. ટ્રિબેકા ફેસ્ટિવલમાં આ પ્રીમિયર ખરેખર મારા માટે તેમજ સમગ્ર ટીમ માટે એક સ્વપ્ન સાકાર થવા જેવું છે. તેણે કહ્યું કે, અમને વૈશ્વિક સ્તરે સ્ટોરી બતાવવાનો મોકો મળ્યો છે. તે આપણી સંસ્કૃતિમાં ઊંડે ઊંડે જડેલું છે. વર્લ્ડ પ્રીમિયરને પ્રેક્ષકોનો પ્રતિસાદ જોઈને અમે ખરેખર રોમાંચિત અને ઉત્સાહિત છીએ.

ટ્રિબેકા ફિલ્મ ફેસ્ટિવલમાં પ્રભાસના આદિપુરુષનું વર્લ્ડ પ્રીમિયર થશે

વૈશ્વિક સ્તર પર ભારતીય સિનેમા:નિર્માતા ભૂષણ કુમારે કહ્યું કે, ''ભારતીય સિનેમાને વૈશ્વિક સ્તરે લઈ જવા એ ખરેખર આપણા બધા માટે ગર્વની ક્ષણ છે. ટ્રિબેકા ફેસ્ટિવલ એ વિશ્વના સૌથી વખાણાયેલા પ્લેટફોર્મ પૈકીનું એક છે અને અમારી ફિલ્મ માટે તે ઉત્તમ સાબિત થશે. અહીં ભારતીય ઇતિહાસનું પ્રદર્શન નમ્ર, રોમાંચક અને જબરજસ્ત છે. આદિપુરુષ બધા માટે વિઝ્યુઅલ ટ્રીટ બનવા જઈ રહ્યું છે અને મને ખાતરી છે કે, તે વૈશ્વિક પ્રેક્ષકો પર અસર કરશે.''

આ પણ વાંચો:Ileana DCruz Pregnant: ઇલિયાના ડીક્રુઝે કરી પ્રેગ્નન્સીની જાહેરાત, ચાહકોએ આપી શુભેચ્છા

પ્રભાસે ગર્વની લાગણી વ્યક્ત કરી: આ સાથે પ્રભાસે પણ પ્રીમિયર અંગે પોતાનો ઉત્સાહ વ્યક્ત કર્યો હતો. તેમણે કહ્યું કે, ''મને સન્માન છે કે, આદિપુરુષનું વર્લ્ડ પ્રીમિયર ટ્રિબેકા ફેસ્ટિવલ ન્યુયોર્કમાં થશે. આપણા રાષ્ટ્રની નૈતિકતાને પ્રતિબિંબિત કરતા પ્રોજેક્ટનો ભાગ બનવું એ ગર્વની વાત છે. આદિપુરુષ ગ્લોબલ પ્લેટફોર્મ પર પહોંચવાથી મને માત્ર એક અભિનેતા તરીકે જ નહીં પણ એક ભારતીય તરીકે પણ ખૂબ ગર્વ થાય છે.'' આ ફિલ્મ તારીખ 16 જૂને સિનેમાઘરોમાં રિલીઝ થવાની છે.