મુંબઈઃતારીખ25 જાન્યુઆરીએ સિનેમાની દુનિયામાં એક જ નામ ગુંજતું હોય છે અને તે છે 'પઠાણ'. શાહરૂખ ખાનની ફિલ્મ પઠાણ તારીખ 25 જાન્યુઆરીએ રિલીઝ થઈ છે અને ચાહકોની રાહ પણ પૂરી થઈ ગઈ છે. અહીં દેશભરના સિનેમાઘરોમાં 'પઠાણ' રિલીઝ થવા પર દિવાળીની ઉજવણી કરવામાં આવી રહી છે. કેટલાક થિયેટરોની બહાર 'પઠાણ' કેક કાપી રહ્યા છે, જ્યારે કેટલાક ફટાકડા ફોડી રહ્યા છે. હાલ સમગ્ર દેશમાં શાહરૂખના ચાહકોમાં દિવાળીનો માહોલ છે. ટ્વિટર પર ફિલ્મ પર ચાહકોની પ્રતિક્રિયાઓ પણ આવી રહી છે.
આ પણ વાંચો:'naatu Naatu' Song Nominated For Oscars: Rrr ફિલ્મનું ગીત 'નાટૂ નાટૂ' ઓસ્કર માટે નોમિનેટ
ફર્સ્ટ હાફ બ્લોકબસ્ટર સાબિત થયો: બાંદ્રાના G7 મલ્ટીપ્લેક્સની બહાર ચાહકોએ શાહરૂખ ખાનની ફિલ્મના પોસ્ટર સાથે કેક કાપી હતી. પટનામાં સિનેમાઘરોની બહાર ભારે ભીડ એકઠી થઈ હતી. અહીં, પઠાણ ફિલ્મને લઈને સોશિયલ મીડિયા પર એક અલગ જ ક્રેઝ જોવા મળી રહ્યો છે. ફિલ્મ જોયા બાદ ઘણા દર્શકોએ ફિલ્મના પહેલા ભાગને બ્લોકબસ્ટર ગણાવ્યો છે.
સલમાને ધડાકો કર્યો: ફિલ્મમાં સલમાન ખાનનો 10 મિનિટનો કેમિયો જોવા મળી રહ્યો છે. સલમાને પોતાના રોલથી ફિલ્મમાં આગ લગાવી દીધી છે અને ચાહકો સલમાન ભાઈને જોવા માટે ખૂબ જ ઉત્સાહિત છે.
દીપિકા નસીબદાર સાબિત થઈ: શાહરૂખ ખાન સાથે દીપિકા પાદુકોણની આ ચોથી ફિલ્મ છે, જે હિટ થવાના માર્ગે છે. અગાઉ શાહરૂખ અને દીપિકાની હિટ જોડી ઓમ શાંતિ ઓમ, ચેન્નાઈ એક્સપ્રેસ અને હેપ્પી ન્યૂ યર જેવી ફિલ્મમાં જોવા મળી હતી.