મુંબઈઃ શાહરૂખ ખાને ફરી એકવાર સાબિત કરી દીધું છે કે, તે બોલિવૂડનો અસલી 'બાદશાહ' છે. શાહરૂખની 'પઠાણ' બોક્સ ઓફિસ પર સુનામી લઈને આવી છે. 'પઠાણ'એ 2 દિવસમાં એટલી કમાણી કરી છે કે, તેણે હિન્દી સિનેમાના તમામ રેકોર્ડ તોડી નાખ્યા છે. વિશ્વવ્યાપી મોટી ઓપનિંગ પછી પઠાણે તેની 2 દિવસની કમાણી સાથે બોક્સ ઓફિસ પર ધમાલ મચાવી દીધી છે. તારીખ 25 જાન્યુઆરીએ રિલીઝ થયેલી આ ફિલ્મે તારીખ 26 જાન્યુઆરીની રાત સુધી ભારતીય બોક્સ ઓફિસ પર 100 કરોડ રૂપિયાનો આંકડો પાર કરી લીધો છે.
આ પણ વાંચો:First Poster Of Gadar 2 Out: સની દેઓલની ફિલ્મ 'ગદર 2' નું પ્રથમ પોસ્ટર લોન્ચ
'પઠાણ' અપેક્ષાઓ વટાવે છે:'પઠાણ'એ વર્લ્ડવાઈડ બોક્સ ઓફિસ પર 106 કરોડનું ઓપનિંગ કલેક્શન કર્યું હતું. પઠાણે સ્થાનિક બોક્સ ઓફિસ પર રૂપિયા 57 કરોડ સાથે ખાતું ખોલાવ્યું હતું. 'પઠાણ' હિન્દી સિનેમાની અત્યાર સુધીની સૌથી મોટી ઓપનિંગ કરનારી ફિલ્મ બની ગઈ છે. ફિલ્મના બીજા દિવસે ભારતમાં 60 થી 65 કરોડના કલેક્શનની અપેક્ષા હતી. પરંતુ 'પઠાણ' આ અપેક્ષા કરતાં પણ વધી ગઈ અને 70 કરોડની કમાણી કરી.
'પઠાણ' બીજા દિવસે 100 કરોડ:'પઠાણ'એ ભારતીય બોક્સ ઓફિસ પર 2 દિવસમાં 127 કરોડ રૂપિયાની કમાણી કરીને ઈતિહાસ રચ્યો છે. ફિલ્મ 'પઠાણ'ને ગણતંત્ર દિવસ પર મોટો ફાયદો મળ્યો અને બીજા દિવસે જ ફિલ્મની કમાણી 100 કરોડનો આંકડો પાર કરી ગઈ છે. ટ્રેડ એનાલિસ્ટ રમેશ બાલા અનુસાર, ફિલ્મ 'પઠાણ'એ 2 દિવસમાં વિશ્વભરમાં 235 કરોડ રૂપિયાની કમાણી કરી છે.
આ પણ વાંચો:Pathaan In Kashmir: કાશ્મીરમાં તૂટ્યો 32 વર્ષનો રેકોર્ડ, સિનેમા હોલની બહાર હાઉસફુલ સાઈન બોર્ડ
સ્ટાર કાસ્ટે બનાવ્યો રેકોર્ડ:ફિલ્મ 'પઠાણ' અને નિર્દેશક સિદ્ધાર્થ આનંદની આખી સ્ટારકાસ્ટની આ પહેલી ફિલ્મ છે. જેણે ઓપનિંગ ડે પર અત્યાર સુધીમાં સૌથી વધુ કલેક્શન કર્યું છે. 'પઠાણ'એ યશ સ્ટારર સાઉથની ફિલ્મ 'KGAA-2'ની કમાણીનો રેકોર્ડ પણ તોડી નાખ્યો છે. હિન્દી સંસ્કરણમાં, 'KGF-2' એ બીજા દિવસે હિન્દી બોક્સ ઓફિસ પર 47 કરોડ રૂપિયાની કમાણી કરી હતી, જ્યારે પઠાણે 70 કરોડ રૂપિયાની કમાણી કરી હતી. 'પઠાણે' આખી દુનિયામાં તોફાન મચાવ્યું છે. અહીં કાશ્મીરમાં પણ 32 વર્ષ જૂનો રેકોર્ડ તૂટી ગયો છે. 32 વર્ષ બાદ કાશ્મીરના તમામ થિયેટરોને હાઉસફુલ બોર્ડ મળી ગયા છે.
