હૈદરાબાદ:બોલિવૂડ અભિનેત્રી પરિણીતી ચોપરા અને આમ આદમી પાર્ટીના નેતા રાઘવ ચઢ્ઢા અઠવાડિયાની અફવાઓ ચાલી રહી હતી. હવે આ અફવાઓ પર વિરામ આવી ગયો છે. નવી દિલ્હીમાં તારીખ 13 મેના રોજ સગાઈ કરશે. અગાઉ મુંબઈમાં લંચ ડેટ પર સાથે દેખાયા હતા. ત્યાર પછી લવબર્ડ્સ વિશે ડેટિંગની અફવાઓ ફેલાઈ હતી. ત્યારથી તે બંનેને ઘણી વખત સાથે જોવામાં આવ્યા છે. જ્યારે લવબર્ડ્સમાંથી કોઈએ તેમના સંબંધોની પુષ્ટિ કરી નથી.
આ પણ વાંચો:Met Gala 2023: મેટ ગાલામાં બ્લેક ડ્રેસમાં જોવા મળ્યા પ્રિયંકા ચોપરા અને નિક જોનાસ, જુઓ વીડિયો
અભિનંદન પાઠવ્યા: તિરંગાના કો-સ્ટાર હાર્ડી સંધુએ મીડિયા સાથેની વાતચીત દરમિયાન જણાવ્યું કે, તેણે પરિણીતીને પહેલેથી જ "કૉલ કરીને અભિનંદન" આપ્યા પછી અફવાઓની પુષ્ટિ થઈ. હાર્ડી સંધુએ જણાવ્યું હતું કે, ''હું ખૂબ જ ખુશ છું કે, આખરે આ થઈ રહ્યું છે. મારી તેમને શુભકામના.'' વધમાં તારીખ 28 માર્ચે આમ આદમી પાર્ટીના સાંસદ સંજીવ અરોરાએ ટ્વિટ કરીને જણાવ્યું હતું કે, ''પરિણિતી અને રાઘવને શુભકામના પાઠવી છે. હું પરિણિતી અને રાઘવ ચઢ્ઢાને હૃદયથી શુભકામના પાઠવું છું. તેમને પુષ્કળ પ્રેમ, આનંદ અને સાથીદારી પ્રાપ્ત થાય તેમની શુભકામનાઓ.''