મુંબઈઃ પંજાબી ગાયક અને કોંગ્રેસ નેતા સિદ્ધુ મુસેવાલાની હત્યાએ (Assassination of Sidhu Musewala) દેશને આંચકો આપ્યો હતો. મુસેવાલા હત્યાકાંડથી સમગ્ર દેશમાં શોક અને આક્રોશ ફેલાયો છે. તે જ સમયે, મૂસેવાલાની હત્યા પછી, ફિલ્મ ઉદ્યોગમાં પણ શોકનો માહોલ છે. મળતી માહિતી મુજબ, આ દરમિયાન બોલિવૂડ સુપરસ્ટાર સલમાન ખાનને જાનથી મારી નાખવાની ધમકી (Salman Khan receives threatening letter) મળી છે. તેને બાંદ્રાના બેન્ડસ્ટેન્ડમાં રવિવારે એક પત્ર દ્વારા આ ધમકી મળી છે. સલમાનને મળેલી ધમકી બાદ પોલીસ એલર્ટ મોડ પર છે. આ સંદર્ભે આજે પોલીસની ટીમ તેના ઘરે પહોંચી હતી અને પૂછપરછ કરી હતી. સાથે જ અભિનેતાની સુરક્ષા વધારી દેવામાં આવી છે.
આ પણ વાંચો:બોલીવુડ બાદશાહ શાહરુખ ખાન કોરોનાની ઝપેટમાં, બોલીવુડ જગતમાંં ભયનો માહોલ
સલમાન ખાનને સિદ્ધુ મૂસેવાલા જેમ મારવાની ધમકી: તમને જણાવી દઈએ કે રવિવારે બાંદ્રાના બેન્ડસ્ટેન્ડ પ્રોમેનેડ ખાતે સલમાન ખાનના પિતા સલીમ અને સલમાન ખાનને ધમકીભર્યો પત્ર મળ્યો હતો. મુંબઈની બાંદ્રા પોલીસે આ મામલે FIR નોંધી છે. આ સાથે જ મામલાની તપાસ શરૂ કરી દેવામાં આવી છે. આ પત્રમાં સલમાન ખાનને સિદ્ધુ મૂસેવાલા જેમ મારવાની ધમકી આપવામાં આવી છે. અજાણ્યા વ્યક્તિએ લખ્યું, 'તમારી હાલત સિદ્ધુ મુસેવાલા જેવી થશે'. મુંબઈ પોલીસે રવિવારે આ જાણકારી આપી છે. મળતી માહિતી મુજબ જોઈન્ટ કમિશનર વિશ્વાસ નાગ્રે પાટીલ અને ડીસીપી મંજુનાથ શાંગે સલમાન ખાનના ઘરે પહોંચ્યા અને પૂછપરછ કરી. સલમાનની સુરક્ષા વધારી દેવામાં આવી છે.
આ પણ વાંચો:'ભૂલ-ભૂલૈયા-2' સ્ટાર કાર્તિક આર્યન થયો કોરોના સંક્રમિત, કહ્યું બધું પોઝિટિવ થઈ રહ્યું છે
ટૂંક સમયમાં 'કભી ઈદ કભી દિવાળી'નું શૂટિંગ શરૂ : સલમાન ખાનના વર્કફ્રન્ટની વાત કરીએ તો, સલમાન ટૂંક સમયમાં જ ફિલ્મ 'ટાઈગર-3'માં જોવા મળશે. આ ફિલ્મમાં તેની સાથે કેટરીના કૈફ છે. આ સાથે તે ટૂંક સમયમાં 'કભી ઈદ કભી દિવાળી'નું શૂટિંગ પણ શરૂ કરવા જઈ રહ્યો છે. આ ફિલ્મમાં તેની સાથે પૂજા હેગડે છે. સાથે જ શહનાઝ ગિલ પણ મહત્વના રોલમાં જોવા મળશે.
