ન્યૂઝ ડેસ્ક: બોલિવૂડનું સુંદર કપલ કેટરિના કેફ અને વિકી કૌશલ (Katrina kaif and vicky Kaushal) હાલ ઉનાળા વેકેશન પર છે અને ખૂબ એન્જોય કરી રહ્યાં છે. જો કે કપલે એ હજુ ગુપ્ત રાખ્યુ છે કે તે કઇ જગ્યા પર વેકેશનની મજા માણી રહ્યું છે. કેટરિનાએ ગુરુવારે સોશિયલ મીડિયા પર તેના વેકેશનની સુંદર તસવીરો ફેન્સ માટે શેર કરી હતી. લગ્ન બાદથી જ કેટરીના પતિ વિકી કૌશલ સાથેની એવી તસવીરો શેર કરી રહી છે, જેનાથી તેના ફેન્સ ખુશ થઈ રહ્યા છે.
કેટરિના અને વિકી ક્રૂઝ પર રજાનો આનંદ માણી રહ્યાં છે: કેટરિનાએ તેના ઇન્સ્ટાગ્રામ એકાઉન્ટ (Katrina kaif Instagram Account) પર તેની રજાઓની તસવીરો શેર કરી છે, જેમાં કપલની સ્ટાઈલ જોવામાં આવી રહી છે. આ તસવીરોમાં કેટરિના અને વિકી ક્રૂઝ પર રજાનો આનંદ માણી રહ્યાં છે. આ દરમિયાન કેટરિના અને વિકી ખૂબ જ રોમેન્ટિક મૂડમાં જોવા મળે છે, જ્યારે કેટરિનાએ મલ્ટીકલર બિકીની પહેરી છે, તો વિકી કૌશલ શર્ટલેસ તેની પત્ની કેટરિનાના ખોળામાં સૂતો છે.
ચાહકોએ કરી કોમેન્ટ: એક ચાહકે લખ કેટરિનાએ શેર કરેલી તસવીરોમાં એક પ્રકૃતિ સાથે પણ જોડાયેલી છે, જેમાં નારંગી વાદળની નીચે એક ઝૂંપડી દેખાઈ રહી છે. કેટરિનાએ આ તસવીરો સાથે ઈમોજીસ ઉમેર્યા છે, પરંતુ કોઈ કેપ્શન આપ્યું નથી. હવે આ તસવીરો ફેન્સ માટે કોઈ ટ્રીટથી ઓછી નથી. કેટરીના અને વિકીના ફેન્સ આ તસવીરોને લાઈક કરીને આડેધડ કોમેન્ટ કરી રહ્યા છે. એક યુઝરે લખ્યું કે, 'કોઈની પાસે આટલી પરફેક્ટ કેમેસ્ટ્રી કેવી રીતે હોઈ શકે'. એક ચાહકે લખ્યું, 'હોટેસ્ટ કપલ'.
તમને જણાવી દઈએ કે ગયા વર્ષે 9 ડિસેમ્બરે કેટરિના અને વિકીએ રાજસ્થાનના સવાઈ માધોપુરમાં શાહી લગ્ન કર્યા હતા. જેમાં પરિવારના સભ્યો, નજીકના સંબંધીઓ અને ખાસ મિત્રોએ હાજરી આપી હતી.