મુંબઈ: મલાડ પોલીસે 2020માં કેટલીક વિવાદાસ્પદ ટ્વિટ્સ પોસ્ટ (KRK 2020 Controversial Tweet) કરવા બદલ મુંબઈ એરપોર્ટ પરથી બોલીવુડ અભિનેતા નિર્માતા કમલ આર ખાન (KRK)ની ધરપકડ (mumbai police arrested krk ) કરી છે. અધિકારીઓએ અહીં આ માહિતી આપી હતી. તેમની સામે ભારતીય દંડ સંહિતાની વિવિધ કલમો અને અન્ય કાયદાઓ હેઠળ કેસ નોંધવામાં આવ્યો છે. તેને બોરીવલી મેજિસ્ટ્રેટ કોર્ટમાં રજૂ કરવામાં આવ્યો, જેણે તેને 14 દિવસની ન્યાયિક કસ્ટડીમાં મોકલી દીધો હતો. ધરપકડ બાદ કમલ આર ખાનની તબિયત અચાનક બગડી હતી, ત્યારબાદ તેમને મુંબઈની શતાબ્દી હોસ્પિટલમાં દાખલ (KAMAL R KHAN OR KRK HOSPITALISED) કરવામાં આવ્યા હતા. ન્યૂઝ એજન્સી ANI અનુસાર, ધરપકડ બાદ કમલ આર ખાનને છાતીમાં દુખાવો ઉપડ્યો હતો, જેના કારણે તેને મુંબઈની શતાબ્દી હોસ્પિટલમાં લઈ જવામાં આવ્યો હતો.
આ પણ વાંચો:SONG RABBA OUT : ફિલ્મ કઠપુતલી બીજું ગીત રબ્બા રિલીઝ
47 વર્ષીય ખાન, જે બિગ બોસ 3 માં પણ જોવા મળ્યો હતો, તેને પ્લેનમાં આવ્યા પછી અટકાયતમાં લેવામાં આવ્યો હતો અને બે વર્ષ પહેલાં વિવિધ અગ્રણી વ્યક્તિઓ વિરુદ્ધ ટ્વિટ કરવા બદલ ઔપચારિક રીતે ધરપકડ કરવામાં આવી તે પહેલાં તેની પૂછપરછ કરવામાં આવી હતી. દિવંગત અભિનેતા ઈરફાન ખાન અને ઋષિ કપૂર પર સોશિયલ મીડિયા ટ્રોલ થયા બાદ યુવા સેનાના નેતા રાહુલ કનાલે KRK વિરુદ્ધ લેખિત ફરિયાદ કરી છે. બંને કલાકારોનું 2020માં નિધન થયું હતું. કનાલે કહ્યું કે ખાન સોશિયલ મીડિયા પર અપમાનજનક ટિપ્પણી કરવા અને અપમાનજનક ભાષાનો ઉપયોગ કરવા માટે જાણીતો છે.
આ પણ વાંચો:લા ટ્રોબ યુનિવર્સિટીમાં શાહરૂખ ખાનના નામ પર ફરી Phd સ્કોલરશિપ શરુ
કનાલે કહ્યું કે આ પ્રકારનું વર્તન સમાજ માટે અસ્વીકાર્ય છે અને તેને પકડીને મુંબઈ પોલીસે આવા લોકો સામે કડક સંદેશ આપ્યો છે. કનાલે 30 એપ્રિલ, 2020 ના રોજ તેની ફરિયાદ નોંધાવી હતી, જેમાં વર્ણવ્યું હતું કે કેવી રીતે આદરણીય વ્યક્તિત્વોને બદનામ કરવા બદલ KRKનું ટ્વિટર એકાઉન્ટ બે વાર સસ્પેન્ડ કરવામાં આવ્યું હતું અને અભિનેતા સામે પગલાં લેવાની માંગ કરી હતી. અગાઉ, તે વિવિધ ફિલ્મ હસ્તીઓ અને અન્ય હસ્તીઓ વિરુદ્ધ અપમાનજનક ટિપ્પણીઓ અથવા નિવેદનો કરવા માટે હેડલાઈનમાં હતો. ઉત્તર પ્રદેશના સહારનપુરના વતની, KRKએ 'સીતમ', 'દેશદ્રોહી' જેવી ફિલ્મોમાં અભિનય અથવા નિર્માણ કર્યું હતું અને હાલમાં તે 'દેશદ્રોહી'ની સિક્વલ બનાવી રહ્યો છે.
