હૈદરાબાદ: અભિનેતા નંદામુરી તારકા રામા રાવ જુનિયર, જે જુનિયર એનટીઆર તરીકે પ્રખ્યાત છે. તે તારીખ 20 મેના રોજ 40મો બર્થ ડે હોવાથી વિશ્વભરમાંથી તેના ચાહકો તરફથી ઘણી ઉજવણીઓ જોવા મળી હતી. તેલુગુ સ્ટારને તેના ચાહકો ખૂબ જ પ્રેમ કરે છે. સોશિયલ મીડિયા પ્લેટફોર્મ પર તેમના જન્મદિવસની શુભેચ્છાઓ આવી રહી છે. કેનેડા અને જાપાનના ચાહકો પણ ઓનલાઈન સામે આવેલા વીડિયોમાં તેના ખાસ દિવસની ખૂબ જ ઉત્સાહથી ઉજવણી કરતા જોવા મળે છે.
અન્ય દેશમાં ઉજવણી: એક વીડિયોમાં જુનિયર એનટીઆરના જાપાની ચાહકો અભિનેતાના જન્મદિવસની ઉજવણી તેમના કટઆઉટ્સ પ્રદર્શિત કરીને અને સમગ્ર જગ્યાને મીણબત્તીઓ અને કેકથી સુશોભિત કરીને ઉજવતા જોવા મળે છે. અન્ય એક વિડિયોમાં કેનેડિયન ચાહકો જુનિયર એનટીઆરના ધ્વજ પકડીને તેમને 'હેપ્પી બર્થડે'ની શુભેચ્છા પાઠવતા જોઈ શકાય છે. આ વીડિયોમાં તેઓ ખુશ થઈ રહ્યા હતા. વીડિયો સ્પષ્ટપણે દર્શાવે છે કે, અભિનેતા પ્રત્યે તેના ચાહકો કેટલો પ્રેમ કરે છે.