મુંબઈઃબોલિવૂડની સુંદર અભિનેત્રી જાનવી કપૂર માટે તારીખ 6 માર્ચનો દિવસ ખૂબ જ ખાસ છે. આ ખાસ અવસર પર ફેન્સ અને સેલેબ્સ અભિનેત્રીને સોશિયલ મીડિયા પર અભિનંદન આપી રહ્યા છે. જાનવી કપૂરના 26માં જન્મદિવસ પર તેના કો-એક્ટર વરુણ ધવને પણ એક ફની વીડિયો શેર કરીને અભિનેત્રીને જન્મદિવસની શુભેચ્છા પાઠવી છે. આ ખાસ અવસર પર જાનવી કપૂરે પણ તેના ચાહકોનું સંપૂર્ણ ધ્યાન રાખ્યું છે. જાનવી કૂપરે તેની પ્રથમ સાઉથ ફિલ્મ 'NTR 30'નો ફર્સ્ટ લુક શેર કરીને ચાહકોનો દિવસ શાનદાર બનાવ્યો છે. આ ફિલ્મમાં તે સાઉથ સુપરસ્ટાર જુનિયર NTR સાથે લીડ રોલમાં જોવા મળશે. જાનવી કપૂર આ ફિલ્મથી ટોલીવુડમાં ડેબ્યૂ કરવા જઈ રહી છે.
આ પણ વાંચો:Ar Rahman's Son Accident: એઆર રહેમાનનો પુત્ર અમીન સાથે થયો અકસ્માત, સદનસિબે બચ્યો જીવ
ફિલ્મનો ફર્સ્ટ લુક: NTR 30 ફિલ્મના ફર્સ્ટ લુકમાં જાનવી કપૂર દેશી ગર્લના લૂકમાં જોવા મળી રહી છે. આ લુકમાં તે ઘાગરા ચોલી પહેરીને બેઠી છે. ફિલ્મનો પોતાનો ફર્સ્ટ લુક શેર કરતા અભિનેત્રીએ લખ્યું છે કે, 'આખરે થઈ રહ્યું છે'. પહેલા એવી અટકળો હતી કે, જાનવી કપૂર સાઉથ સુપરસ્ટાર જુનિયર NTRની ફિલ્મ 'NTR 30'થી સાઉથ ડેબ્યૂ કરવા જઈ રહી છે.
આ પણ વાંચો:Amitabh Bachchan Injured In Shooting: શૂટિંગ દરમિયાન બચ્ચન ફરી ઈજાગ્રસ્ત, ફેન્સ શોકમાં, રીકવરી માટે અઠવાડિયુ લાગશે
જાનવી કપૂરની પ્રથમ સાઉથ ફિલ્મ: પરંતુ હવે જ્હાન્વી કપૂરે પોતે તમામ અટકળોને સાચી સાબિત કરી છે અને આ અહેવાલો પર મક્કમ મહોર લગાવી છે. હવે જાનવી કપૂર સાઉથ ફિલ્મ ઈન્ડસ્ટ્રીમાં પોતાની સુંદરતા બતાવશે. આ ફિલ્મનું દિગ્દર્શન કોરાટાલા શિવા કરી રહ્યા છે અને રોકસ્ટાર સંગીતકાર અનિરુદ્ધ ફિલ્મમાં સંગીત આપશે. આવી સ્થિતિમાં હવે જાનવી કપૂર આ ફિલ્મથી ધમાકેદાર કમાણી કરવા જઈ રહી છે.
