મુંબઈ:બોલિવૂડ અભિનેત્રી જેકલીન ફર્નાન્ડિસ ગુરુવારે કોલકાતા નાઈટ રાઈડર્સ અને રાજસ્થાન રોયલ્સની મેચ જોવા માટે કોલકાતાના ઈડન ગાર્ડન્સ પહોંચી હતી. સ્ટેડિયમમાંથી અભિનેત્રીની તસવીર અને વીડિયો સોશિયલ મીડિયા પર વાયરલ થઈ રહ્યા છે. જેક્લિને ઓફિશિયલ ઈન્સ્ટાગ્રામ પર તેના ફેન્સ સાથે મેચ દરમિયાનની કેટલીક ખાસ તસવીર પણ શેર કરી છે.
અભિનેત્રીની તસવીર વાયરલ: IPL 2023ની 56મી મેચમાં જેકલીન ફર્નાન્ડિસ KKRને ચીયર અપ કરવા આવી હતી. જેકલીન ફર્નાન્ડીઝ ઈડન ગાર્ડન્સના સ્ટેન્ડ પરથી વન-ઑફ મેચનો આનંદ માણતી જોવા મળી હતી. મેચની સમાપ્તિ પછી તેણે સ્ટેડિયમમાંથી તસવીર અને વીડિયો તેના ઈન્સ્ટાગ્રામ પર શેર કરીને કેપ્શન સાથે લખ્યું હતું કે, ''તે શ્રેષ્ઠ અનુભવ હતો. KKR vs RR તમને લાઇવ રમતા જોવાનું અદ્ભુત હતું.''
ટ્રોલર્સે નિશાન સાધ્યું: જેકલીનની તસવીર અને વીડિયો સામે આવ્યા બાદ ટ્રોલર્સે તેને નિશાન બનાવી અને તેને ઉગ્ર ટ્રોલ કરી રહ્યાં છે. તેણે અભિનેત્રીને KKRની હારનું કારણ જણાવ્યું છે. જેકલીનની પોસ્ટ પર એક યુઝરે લખ્યું છે કે, 'હવે મને સમજાયું કે, KKR આટલી ખરાબ રીતે કેમ હારી ગયું'. અન્ય યુઝર્સે લખ્યું છે, તેથી હારી ગયા. આજે બધાની નજર જેકલીન પર હતી. અન્ય એક યુઝરે કમેન્ટ કરી છે કે, 'પનૌતી લગા દી આપ તો'. અન્ય એક યુઝરે લખ્યું છે, 'પનૌતી હો યાર. હાર ગઈ KKR.