હૈદરાબાદ:બોલિવૂડ ડાયરેક્ટર રોહિત શેટ્ટી તેની આગામી વેબ સિરીઝ 'ઈન્ડિયન પોલીસ ફોર્સ'ના શૂટિંગ દરમિયાન ઈજાગ્રસ્ત (INJURED ROHIT SHETTY) થયો હતો. તેની આંગળીઓમાં ઈજા થઈ હતી. આ અકસ્માત બાદ તેને હૈદરાબાદની કામીનેની હોસ્પિટલમાં દાખલ કરવામાં આવ્યો હતો, જ્યાં તેની આંગળીની નાની સર્જરી કરવામાં આવી હતી. આ સર્જરી બાદ તેને હોસ્પિટલમાંથી રજા આપવામાં આવી હતી. રોહિત શેટ્ટીએ પણ સોશિયલ મીડિયા દ્વારા પોતાના હેલ્થ અપડેટ શેર (ROHIT SHETTY SHARED HEALTH UPDATE ON INSTAGRAM) કર્યા છે.
આ પણ વાંચો:જનહિતમાં શાહીદે આપ્યો મસ્ત મેસેજ, વાહન ચલાવનારા દરેક ખાસ ફોલો કરે
કામિનેની હોસ્પિટલમાં દાખલ: દિગ્દર્શકે તાજેતરમાં હૈદરાબાદમાં રામોજી ફિલ્મ સિટીમાં (Ramoji Film City in Hyderabad) તેની પ્રથમ શ્રેણી 'ઈન્ડિયન પોલીસ ફોર્સ' માટે શૂટિંગ શરૂ કર્યું છે. મીડિયા રિપોર્ટ્સ અનુસાર, કારનો પીછો કરતી વખતે રોહિત શેટ્ટી ઘાયલ થયો હતો. અકસ્માત પછી તરત જ, રોહિતને કામિનેની હોસ્પિટલમાં લઈ જવામાં આવ્યો, જ્યાં તેના હાથ પર સર્જરી કરવામાં આવી હતી.
હું બિલકુલ ઠીક છું:રોહિત શેટ્ટીએ પોતાના ઈન્સ્ટાગ્રામ એકાઉન્ટ પરથી પોતાના હેલ્થ અપડેટ વિશે જાણકારી આપી છે. ટીમ મેમ્બર સાથે ફોટો શેર કરતી વખતે તેણે કેપ્શનમાં લખ્યું, 'બે આંગળીઓમાં ટાંકા છે. હું એકદમ ઠીક છું. ચિંતા કરવા જેવું કંઈ નથી. તમારા પ્રેમ અને ચિંતા માટે ખૂબ ખૂબ આભાર.
12 કલાકથી ઓછા સમયમાં સેટ પર:તે જ સમયે બોલિવૂડ એક્ટર સિદ્ધાર્થ મલ્હોત્રાએ પણ પોતાના ઈન્સ્ટાગ્રામ પરથી એક વીડિયો શેર કર્યો છે. જેના કેપ્શનમાં તેણે લખ્યું, 'એક લીડ માસ્ટરનું સાચું ઉદાહરણ. રોહિત શેટ્ટી સરના એક્શન અને સ્ટંટ પ્રત્યેના શોખ વિશે આપણે બધા જાણીએ છીએ. ગઈકાલે રાત્રે, પોતે કાર સ્ટંટ કરતી વખતે, તે અકસ્માતનો ભોગ બન્યો. નાની સર્જરી બાદ તે 12 કલાકથી ઓછા સમયમાં સેટ પર પાછો ફર્યો છે. સર, તમે અમારા બધા માટે પ્રેરણારૂપ છો.
