મુંબઈઃ હુમા કુરેશી અભિનીત 'તરલા' ડાયરેક્ટ OTT પર રિલીઝ થશે. આ ફિલ્મમાં હુમા શેફ તરલા દલાલનું પાત્ર ભજવતી જોવા મળશે. 'તરલા' OTT પ્લેટફોર્મ Zee5 પર રિલીઝ થશે. પરંતુ તે ક્યારે કરવામાં આવશે તે હજુ નક્કી કરવામાં આવ્યું નથી. તરલા દલાલ મુખ્યત્વે રસોઇયા હતા, આ સાથે તે ફૂડ રાઇટર, ગુજરાતી ફૂડના નિષ્ણાત હતા. તેણે તરલા દલાલ શો અને કુક ઈટ અપ વિથ તરલા જેવા શો પણ હોસ્ટ કર્યા હતા. શેફ તરલા દલાલને વર્ષ 2007માં ભારત સરકાર દ્વારા પદ્મશ્રીથી નવાજવામાં આવ્યા હતા.
હુમા કુરેશીની આગામી ફિલ્મ: આ ફિલ્મ પિયુષ ગુપ્તાએ ડિરેક્ટ કરી છે. ઉપરાંત રોની સ્ક્રુવાલા, અશ્વિની ઐયર તિવારી અને નિતેશ તિવારી તેના નિર્માતા છે. હુમાની આગામી ફિલ્મ વિશે વાત કરીએ તો, 'પૂજા મેરી જાન' આ વર્ષે રિલીઝ થશે, જેમાં હુમા મહત્વની ભૂમિકા ભજવશે. આ ફિલ્મમાં સની સિંહ અને સોનાલી સહગલ લીડ રોલમાં હશે. આ પહેલા હુમા રાજકુમાર રાવ સાથે 'મોનિકા ઓ માય ડાર્લિંગ' અને સોનાક્ષી સિંહા સાથે 'ડબલ એક્સેલ'માં જોવા મળી હતી.