હૈદરાબાદ:તારીખ 11 ઓગસ્ટના રોજ વર્લ્ડવાઈડ બોક્સ ઓફિસ પર સની દેઓલ સ્ટારર ફિલ્મ 'ગદર 2' અને અક્ષય કુમાર અભિનીત ફિલ્મ 'OMG 2' રિલીઝ થઈ હતી. આ ફિલ્મ આજે તારીખ 20 ઓગસ્ટના રોજ 10માં દિવસે ચાલી રહી છે. ત્યારે 'ગદર 2' અને 'OMG 2'નું 9માં દિવસનું બોક્સ ઓફિસ કલેક્શન સામે આવ્યું છે. સની દેઓલ, અમિષા પટેલ અને ઉત્કર્ષ શર્મા દ્વારા અભિનીત ફિલ્મ 'ગદર 2'એ ઓપિનિંગ ડેના દિવસે ધમાકેદાર કમાણી કરી હતી.
ગદર 2નું 9માં દિવસનું બોક્સ ઓફિસ કલેક્શન: ભારતીય બોક્સ ઓફિસ સની દેઓલની ફિલ્મ 'ગદર 2' ડંકો વગાડી દીધો હતો. 'ગદર 2' ફિલ્મના આંકડા પર એક નજર કરીએ તો, આ ફિલ્મે ઓપનિંગ ડે પર લગભગ 10.26 કરોડ રુપિયાની કમાણી કરી હતી. બીજા દિવસે લગભગ 15.30 કરોડ અને ત્રીજા દિવસે લગભગ 25.56 કરોડની કમાણી કરી હતી. તરણ આદર્શના અહેવાલ મુજબ, 9માં દિવસે 31.7 કરોડ રુપિયાની કમાણી કરી છે. આ સાથે ફિલ્મનુ કુલ બોક્સ ઓફિસ કલેક્શન 336.20 કરોડ થઈ ગયું છે.
OMG 2નું 9માં દિવસનું બોક્સ ઓફિસ કલેક્શન:અક્ષય કુમાર, પંકજ ત્રિપાઠી અને યામિ ગૌતમ સ્ટારર ફિલ્મ 'OMG 2'એ 9માં દિવસે બોક્સ ઓફિસ પર લગભગ 10.53 કરોડ રુપિયાનું કલેક્શન કર્યું છે. તરણ આદર્શના અહેવાલ મુજબ, અમિત રાય દ્વારા નિર્દેશિત ફિલ્મનું કુલ બોક્સ ઓફિસ કલેક્શન 101.61 કરોડ રુપિયા થઈ ગયું છે. વર્ષ 2012માં રિલીઝ થયેલી 'OMG'ની સિક્વલ 'OMG 2'એ 100 કલરોડના ક્લબમાં પ્રવેશ કર્યો છે. લગભગ 45 થી 50 કરોડના બજેટમાં બનેલી ફિલ્મે 100 કરોડથી વધુની કમાણી કરી લીધી છે.
અન્ય ફિલ્મ સાથે ટક્કર: 'OMG 2' અને 'ગદર 2' બોક્સ ઓફિસ પર ચાલી રહી છે. પરંતુ હવે અભિષેક બચ્ચ અને સૈયામી ખેર સ્ટારર ફિલ્મ 'ઘૂમર' તારીખ 18 ઓગસ્ટના રોજ સિનેમાઘરોમાં રિલીઝ થઈ ગઈ છે. આ ફિલ્મ ત્રીજા દિવસે ચાલી રહી છે. ત્યારે બાદ તારીખ 7 સપ્ટેમ્બરના રોજ શાહરુખ ખાનની 'જવાન' ફિલ્મ પણ રિલીઝ થવા માટે તૈયાર છે. હવે જોવાનુ રહ્યું કે, આવા પડકારો સાથે કઈ ફિલ્મ બાજી મારશે.
- Rajinikanth Video: અભિનેતા રજનીકાંતે CM યોગીના ચરણ સ્પર્શ કર્યા
- Hema Malini Watched Gadar 2: ડ્રીમ ગર્લ એક્ટ્રેસ હેમા માલિનીએ જોઈ 'ગદર 2', સની દેઓલના કર્યા વખાણ
- Hu Ane Tu New Release Date: 'હું અને તું' ગુજરાતી ફિલ્મની રિલીઝ ડેટ મોકૂફ, નવી તારીખ જાહેર
