મુંબઈ : મનોરંજન જગતનું મોટું નામ રાખી સાવંત કોઈપણના ચહેરા પર સ્મિત લાવવા માટે કાફી છે. જોકે અભિનેત્રી હાલમાં દુ:ખના મહાસાગરમાં ડૂબી ગઈ છે. તેણે શનિવારે તેની માતા ગુમાવી છે. મીડિયાની સામે તે મુંબઈમાં અંતિમ સંસ્કાર માટે તેની માતાના મૃતદેહને લઈ જતી કેમેરામાં કેદ થઈ હતી. રાખી પોતાની પ્રિય માતાની ખોટના શોકમાં રડતી જોવા મળી હતી. તેણે તેની માતાને અંતિમ વિદાય આપી છે.
રાખી સાવંતની માતાઅંતિમ વિદાયએ પહોંચ્યા આ સ્ટાર્સ : અંતિમ વિદાય દરમિયાન ફરાહ ખાન, રશ્મિ દેસાઈ, સંગીતા કપૂર અને એહસાન કુરેશી સહિત રાખીના ઘણા મિત્રો જોવા મળ્યા હતા. ફરાહ ખાને રાખીને ગળે લગાવીને સાંત્વના આપી હતી. રાખીના પતિ આદિલ ખાન અને તેનો ભાઈ ફૂલ ચઢાવતા અને પ્રાર્થના કરતા જોવા મળ્યા હતા. રાજીવ ભાટિયા અને એક્ટર-ફેશન ડિઝાઇનર રોહિત કે વર્મા પણ રાખીની માતાના અંતિમ સંસ્કારમાં જોવા મળ્યા હતા. આ સાથે રશ્મિ દેસાઈ પણ રાખીનું દુ:ખ શેર કરવા પહોંચી હતી અને તેને હિંમત આપી હતી.
રાખી સાવંતે શેર કર્યો હતો એક વીડિયો : એક વીડિયો શેર કરીને રાખી સાવંતે તેના ચાહકોને તેની માતા જયાના કેન્સરને કારણે મુંબઈની એક હોસ્પિટલમાં મૃત્યુની જાણકારી આપી હતી. તેણે 9 જાન્યુઆરીએ લાઈવ ચેટમાં તેના ચાહકોને તેની માતાની બીમારી વિશે જણાવ્યું અને તે પણ શેર કર્યું કે તે હોસ્પિટલમાં દાખલ છે. શેર કરેલા વીડિયોમાં તે હોસ્પિટલમાં જમીન પર બેસીને રડતી જોવા મળી રહી છે.