હૈદરાબાદ: બોલિવૂડ સુપરસ્ટાર શાહરૂખ ખાન (Shah Rukh Khan) ભલે છેલ્લા વર્ષોથી પોતાની ફિલ્મોથી અજાયબી ન કરી શક્યો હોય, પરંતુ તેની ફેન ફોલોઈંગમાં કોઈ ઘટાડો થયો નથી. શાહરુખ પણ પોતાના ચાહકોનું સંપૂર્ણ ધ્યાન રાખે છે. ત્યારે તાજેતરમાં જ શાહરૂખ ખાનને ફ્રાન્સના સર્વોચ્ચ નાગરિક સન્માનથી (SRK Legion of Honor Award) નવાજવામાં આવ્યો છે. અહીંની કેટલીક તસવીરો હવે સોશિયલ મીડિયા પર આગની જેમ ફેલાઈ રહી છે. ત્યારે આ તસવીરોમાં શાહરૂખ ખાનની હાલત જોઈને તેના ફેન્સ હેરાન થઈ રહ્યા છે અને આશ્ચર્યમાં પડી રહ્યા છે કે તેને શું થયું છે.
શાહરૂખને મળ્યું સન્માન - 3 મેના રોજ, શાહરૂખ ખાનને મુંબઈમાં ફ્રાન્સના સર્વોચ્ચ નાગરિક સન્માન 'લીજન ઓફ ઓનર'થી નવાજવામાં આવ્યો હતો. ફ્રાંસના કોન્સ્યુલ જનરલ જીન-માર્ક સેરે કાર્લેટે સોશિયલ મીડિયા પર શાહરુખ ખાન સાથેની કેટલીક તસવીરો શેર કરી છે. તેણે લખ્યું, 'મુંબઈમાં આ સર્વોચ્ચ સન્માન પુરસ્કારની રાત્રે તમને મળીને આનંદ થયો, બોલિવૂડના રાજા, પ્રિય શાહરૂખ, હું આજે બપોરે તમારી આતિથ્યની નિષ્ઠાપૂર્વક પ્રશંસા કરું છું'.
આ પણ વાંચો :ફિલ્મ ‘છત્રીવાલી’ માં રકુલ પ્રીત નિભાવશે આ મહત્વની ભૂમિકા