હૈદરાબાદઃ બોલિવૂડ અભિનેત્રી બિપાશા બાસુ લગ્ન બાદથી ફિલ્મોમાં ઓછી જોવા મળી છે. તે છેલ્લે (Bipasha Basu last film) ફિલ્મ 'અલોન' (2015) અને ડેબ્યૂ વેબ સિરીઝ 'ડેન્જરસ' (2020)માં જોવા મળી હતી. જોકે અભિનેત્રી સમયાંતરે સોશિયલ મીડિયા પર એક્ટિવ જોવા મળે છે. બિપાશા ચોક્કસપણે પતિ કરણ સિંહ ગ્રોવરના જન્મદિવસ અને લગ્ન સમારોહ જેવા પ્રસંગોએ સોશિયલ મીડિયા પર ચાહકોની સામે આવે છે. હવે અભિનેત્રીએ લાંબા સમય પછી પોતાની એક સુંદર તસવીર શેર કરી છે. આ પહેલા 7 જૂને અભિનેત્રીએ સોશિયલ મીડિયા પર ફિલ્મ સાથે જોડાયેલી એક પોસ્ટ શેર (bipasha basu looks old world charm) કરી હતી.
આ પણ વાંચો:રજનીકાંત સાથે મુવી કરનાર ઐશ્વર્યા હવે શેરીઓમાં સાબુ વેચે છે
બિપાશાનો ક્લાસી લુક: હવે 18 જૂને, બિપાશાએ તેના ઇન્સ્ટાગ્રામ એકાઉન્ટ પર જે પોસ્ટ કર્યું છે તેમાં પોતાની એક સુંદર તસવીર શેર કરી છે. આ તસવીર સાથે બિપાશાએ કેપ્શનમાં લખ્યું છે, જૂની ચાર્મ વર્લ્ડ. આ તસવીર બ્લેક એન્ડ વ્હાઇટ છે અને તેમાં બિપાશા ક્લાસી લુકમાં જોવા મળી રહી છે.
કેવો લુક હતો: આ તસવીરમાં બિપાશાએ ડીપ નેક પ્લોવર ડ્રેસ પહેર્યો છે અને તેના ગળામાં મોતીની લાંબી માળા છે. તેમજ જમણા હાથમાં બંગડી જેવી મોતીની માળા છે. બિપાશાએ પોતાના વાળને ક્લાસિકલ લુક આપ્યો છે અને માથું નમાવીને ઊભી છે.
ચાહકો પ્રેમ વરસાવી રહ્યા છે:તમને જણાવી દઈએ કે, બિપાશાની આ તસવીર પર ફેન્સ અને સેલેબ્સ પ્રેમ વરસાવી રહ્યા છે. અભિનેત્રી સોફી ચૌધરી અને દિયા મિર્ઝા સહિત બિપાશાના ઘણા ચાહકોએ આ તસવીર પર ખૂબસૂરત કોમેન્ટ્સ કરી છે. તે જ સમયે, અન્ય ચાહકોએ બિપાશો પર સુંદર ટિપ્પણી કરી છે.
આ પણ વાંચો:જ્હાનવી કપૂરની ફિલ્મ 'ગુડ લક જેરી'નું પહેલું પોસ્ટર રિલીઝ, અભિનેત્રી ડરેલી દેખાઈ
લગ્ન ક્યારે કર્યા હતા: તમને જણાવી દઈએ કે, બિપાશા બાસુએ આ પહેલા 7 જૂને પતિ કરણ સિંહ ગ્રોવર સાથે એક પોસ્ટ કરી હતી. આ પોસ્ટ શેર કરીને બિપાશાએ જણાવ્યું હતું કે 7 જૂન 2014ના રોજ તેણે ફિલ્મ અલોનનું શૂટિંગ શરૂ કર્યું હતું. તમને જણાવી દઈએ કે, આ ફિલ્મ બાદ બિપાશા અને કરણ સિંહે વર્ષ 2016માં લગ્ન કર્યા હતા. આ કપલના લગ્નને 6 વર્ષ થયા છે. ચાહકો આ કપલના માતા-પિતા બનવાની રાહ જોઈ રહ્યા છે.
