ન્યૂઝ ડેસ્ક : 'આનંદ મરા નહીં કરતે'... અને 'બાબુ મોશાઈ જિંદગી બડી હોની ચાહિએ લંબી નહીં' જેવા આકર્ષક સંવાદોથી ભરેલી 'આનંદ' (Film Anand) ફિલ્મને કોણ ભૂલી શકે? 1971માં બનેલી આ ફિલ્મની 51 વર્ષ બાદ રિમેકની તૈયારી શરૂ થઈ ગઈ છે. રાજેશ ખન્ના-અમિતાભ બચ્ચનની સુપરહિટ ફિલ્મ રિમેક દ્વારા ફરીથી પડદા પર વાપસી કરશે. બોલિવૂડના બંને દિગ્ગજ કલાકારોએ પોતાના અભિનયથી દર્શકોના દિલો પર ઊંડી છાપ છોડી હતી.
આ પણ વાંચો:HBD Nawazuddin Siddiqui : નવાઝુદ્દીન સિદ્દીકી આજે છે બોલિવૂડનો 'સરતાજ'
ફિલ્મ 'આનંદ'ની રિમેક બનશે : પ્રખ્યાત ફિલ્મ સમીક્ષક તરણ આદર્શે ટ્વીટ કરીને ફિલ્મ વિશે માહિતી આપી છે. હૃષીકેશ મુખર્જી દ્વારા દિગ્દર્શિત આ ફિલ્મ ગુલઝાર સાહબના સંવાદો અને શાનદાર અભિનય દ્વારા ફરી એક વાર નવી રીતે દર્શકો સમક્ષ લાવવાની તૈયારીમાં છે. મળતી માહિતી મુજબ નિર્માતા એન સિપ્પીના પૌત્ર સમીર સિપ્પી નિર્માતા વિક્રમ ખખ્ખર સાથે ફિલ્મ 'આનંદ'ની રિમેક બનાવી રહ્યા છે.