ટ્રેલર લોન્ચ ઈવેન્ટમાં ઐશ્વર્યા રાયે રજનીકાંતના પગ સ્પર્શ કર્યા

ટ્રેલર લોન્ચ ઈવેન્ટમાં ઐશ્વર્યા રાય બચ્ચન દોડીને સાઉથના સુપરસ્ટાર રજનીકાંતના ચરણ સ્પર્શ કરી (Aishwarya Rai touches Rajinikanth feet) હતી. હવે આ વીડિયો સોશિયલ મીડિયા પર વાયરલ થઈ રહ્યો છે અને યુઝર્સ હવે આવી કોમેન્ટ્સ કરી રહ્યા છે.

હૈદરાબાદ: સાઉથ ફિલ્મ ઉદ્યોગના પ્રખ્યાત નિર્દેશક મણિરત્નમે તેમની મોટા બજેટની ફિલ્મ 'પોનીયિન સેલ્વન પાર્ટ 1'નું ટ્રેલર લોન્ચ (Movie Ponyyin Selvan Part 1 Trailer Released) કર્યું અને એક કાર્યક્રમનું પણ આયોજન કર્યું હતું. ટ્રેલર લોન્ચ પર સાઉથ ફિલ્મ ઈન્ડસ્ટ્રીમાંથી રજનીકાંત અને કમલ હાસન પણ પહોંચ્યા હતા. તે જ સમયે, ફિલ્મની મુખ્ય સ્ટારકાસ્ટ પણ ઇવેન્ટમાં પહોંચી હતી, ખાસ કરીને ઐશ્વર્યા રાય બચ્ચને બધાનું ધ્યાન ખેંચ્યું હતું. ઈવેન્ટમાં રજનીકાંત ઐશ્વર્યા રાયની સામે આવતાની સાથે જ એક્ટ્રેસે નમીને તેના પગને સ્પર્શ કર્યો (Aishwarya Rai touches Rajinikanth feet) હતો. હવે આ વીડિયો સોશિયલ મીડિયા પર ઝડપથી વાયરલ થઈ રહ્યો છે. તમને જણાવી દઈએ કે, રજનીકાંત અને ઐશ્વર્યા રાયની જોડી ફિલ્મ એન્ડિરન (રોબોટ)માં જોવા મળી હતી.

આ પણ વાંચો:ઉજ્જૈનમાં રણવીર આલિયાનો વિરોધ મંદિરની જગ્યાએ કલેક્ટરના ઘરે જવુ પડ્યુ

ઐશ્વર્યાના જોરદાર વખાણ: તમને જણાવી દઈએ કે, સોશિયલ મીડિયા પર વાયરલ થઈ રહેલા વીડિયોમાં ઐશ્વર્યા રાય દોડતી અને મણિરત્નમને ગળે લગાવતી અને સુપરસ્ટાર રજનીકાંતના ચરણ સ્પર્શ કરતી જોવા મળે છે. આ વીડિયો સોશિયલ મીડિયા પર વાયરલ થઈ રહ્યો છે અને ઐશ્વર્યાના જોરદાર વખાણ થઈ રહ્યા છે.

ઐશ્વર્યા રાયને સંસ્કારી કહ્યું: હવે આ વીડિયો પર યુઝર્સની કોમેન્ટ આવી રહી છે. એકે કોમેન્ટ કરી અને લખ્યું, 'આ ભારતીય સંસ્કૃતિ છે. અન્ય એક યુઝરે લખ્યું, 'વડીલો માટે આદર. એકે લખ્યું, 'તેના ગુરુ અને માર્ગદર્શકને જોયા પછી તેણી જે રીતે દોડીને ગળે લાગી, તે ખરેખર પ્રશંસનીય છે. સોશિયલ મીડિયા પર ઐશ્વર્યાને તેના સ્વભાવની ખૂબ પ્રશંસા મળી રહી છે.

આ પણ વાંચો:હિંદુઓ બ્રહ્માસ્ત્ર જોવા જશે તો મોઢાકાળા કરવામાં આવશે

ફિલ્મ ક્યારે રિલીઝ થશે: તમને જણાવી દઈએ કે, ઐશ્વર્યા રાય ચાર વર્ષ બાદ મોટા પડદા પર વાપસી કરી રહી છે. તે છેલ્લે 2018માં આવેલી ફિલ્મ ફન્ને ખાનમાં જોવા મળી હતી. હવે તે પોન્નિયન સેલવાન 1 ફિલ્મમાં મહત્વની ભૂમિકામાં જોવા મળશે. આ ફિલ્મ 30 સપ્ટેમ્બરે રિલીઝ થઈ રહી છે. ફિલ્મમાં ઐશ્વર્યા રાયનો ડબલ રોલ છે. ફિલ્મનું બજેટ 500 કરોડથી વધુ છે. ટ્રેલર હમણાં જ તમિલમાં રિલીઝ થયું છે અને તેણે ધૂમ મચાવી છે. આ ફિલ્મ હિન્દી ઉપરાંત કન્નડ, તમિલ, મલયાલમ અને તમિલ ભાષાઓમાં રિલીઝ થશે.