મુંબઈ: બોલિવુડની સુંદર અભિનેત્રી ઐશ્વર્યા રાય અને સારા અલી ખાન પ્રતિષ્ઠિત કાન્સ ફિલ્મ ફેસ્ટિવલમાં હાજરી આપીને મુંબઈ પરત ફર્યા છે. ઐશ્વર્યા તેની પુત્રી આરાધ્યા સાથે એરપોર્ટ પર કેઝ્યુઅલમાં જોવા મળી હતી. એશે બ્લેક પેન્ટ અને બ્લેક ડિઝાઈનર બેગ સાથે ગ્રે અને ગ્રીન કલરના મોટા શર્ટ પહેર્યો હતો. જ્યારે આરાધ્યાએ બ્લેક ટોપ સાથે ગ્રે પેન્ટ પહેર્યું હતું. બીજી તરફ સારાએ કલરફુલ જેકેટ અને પર્પલ પેન્ટ સાથે એરપોર્ટ લુક કમ્પ્લીટ કર્યો હતો.
કાન્સમાં એશ્વર્યા રાય: કાન્સમાં રેડ કાર્પેટ પર ઐશ્વર્યા રાયે તેના અદભૂત દેખાવથી બધાનું ધ્યાન ખેંચ્યું હતું. ઐશ્વર્યા રાયે સોફી કોચરના કલેક્શનમાંથી બ્લેક અને સિલ્વર હૂડેડ ગાઉન પહેર્યું હતું. જેમાં તે અદભૂત દેખાતી હતી. દર વખતે વર્લ્ડ બ્યુટી રેડ કાર્પેટ પર પોતાના લુકથી લોકોના દિલ જીતી લે છે. ઐશ્વર્યા રાય છેલ્લે તેની ફિલ્મ પોનિયિન સેલવનમાં જોવા મળી હતી.