તુનિષા શર્મા બાદ બનશે આ અભિનેત્રી અલી બાબા શોમાં મરિયમ, તેમની બોલ્ડનેસને લઈને ચર્ચામાં

દાસ્તાન એ કાબુલ (Avneet Kaur Ali Baba Dastaan E Kabul)માં હવે તુનીષા શર્મા (Tunisha Sharma)ની જગ્યાએ આ બોલ્ડ TV એક્ટ્રેસનું નામ લેવામાં આવી રહ્યું છે. તુનીશાના મૃત્યુ બાદ આ TV શોનું શૂટિંગ બંધ કરી દેવામાં આવ્યું હતું. હવે ફરી એકવાર આ શો પર કામ શરૂ થઈ ગયું છે. જાણો શોમાં કઈ અભિનેત્રી રાજુકમારી મરિયમનું પાત્ર ભજવવા જઈ રહી છે.

હૈદરાબાદઃTV એક્ટ્રેસ તુનિષા શર્મા (Tunisha Sharma)ની વિદાય બાદ પ્રખ્યાત TV સિરિયલ 'અલી બાબાઃ દાસ્તાન એ કાબુલ' (Avneet Kaur Ali Baba Dastaan E Kabul)ના સેટ પર શોકનો માહોલ છે. તુનિષા આ સીરિયલમાં લીડ એક્ટ્રેસ તરીકે 'મરિયમ'નું પાત્ર ભજવી રહી હતી. તુનીશાના મૃત્યુ બાદ આ TV શોનું શૂટિંગ બંધ કરી દેવામાં આવ્યું હતું. હવે ફરી એકવાર આ શો પર કામ શરૂ થઈ ગયું છે. મહત્વની વાત એ છે કે, તુનિષાની જગ્યાએ હવે TV એક્ટ્રેસ અવનીત કૌરનું નામ લીડ એક્ટ્રેસ તરીકે સામે આવ્યું છે. આ ઉપરાંત TV અભિનેતા સિદ્ધાર્થ નિગમના ભાઈ અભિષેક નિગમને શોના મુખ્ય અભિનેતા અને તુનીષા મૃત્યુ કેસના આરોપી શીઝાન ખાનની જગ્યાએ લેવામાં આવી રહ્યા છે.

આ પણ વાંચો:ઋષભ પંતને મળવા માટે પહોંચી ઉર્વશી રૈતેલા, જાણો સાચી ઘટના વિશે

તુનિષા શર્મા અને અવનિત કૌર: મીડિયા રિપોર્ટ્સ અનુસાર TV સીરિયલ 'અલી બાબાઃ દાસ્તાન એ કાબુલ'માં તુનીષા શર્માના મૃત્યુ બાદ અવનીત કૌર હવે રાજકુમારી મરિયમના રોલમાં ખૂબ જ ચર્ચામાં છે. અવનીત કૌરને લઈને મેકર્સ તરફથી કોઈ નિવેદન આવ્યું નથી. નોંધનીય છે કે, તુનિષા શર્મા અને અવનીત કૌર સારા મિત્રો હતા અને તુનિષાના મૃત્યુ પર અવનીત તેના ઘરે પહોંચી અને ખૂબ રડ્યા હતા. અવનીત સોશિયલ મીડિયા પર ખૂબ જ એક્ટિવ રહે છે અને પોતાની બોલ્ડ તસવીરોને લઈને હેડલાઈન્સમાં રહે છે.

શીઝાન ખાને શોમાંથી ક્લીયર કર્યું:તુનિષા શર્માની આત્મહત્યા બાદ સીરિયલ 'અલી બાબાઃ દાસ્તાન એ કાબુલ'માંથી મુખ્ય અભિનેતા શીઝાન ખાનની એક્ઝિટ નિશ્ચિત માનવામાં આવે છે. આવી સ્થિતિમાં મેકર્સ હવે શોની લીડ સ્ટાર કાસ્ટની શોધમાં છે. તુનીષાના સ્થાને અવનીત કૌરને લેવાની ચર્ચા ચાલી રહી છે. ત્યારે હવે શીઝાનના બદલે અભિષેક નિગમ શોમાં જોવા મળી શકે છે. શોની બંને લીડ સ્ટાર કાસ્ટને લઈને હજુ સુધી કોઈ પુષ્ટિ થઈ નથી.

આ પણ વાંચો:AR Rahman 56th birthday: સુપ્રસિદ્ધ ગાયકના આઇકોનિક ગીતોની ફરી મુલાકાત

તુનિષા સુસાઈડ કેસ: સીરિયલ 'અલી બાબા: દાસ્તાન એ કાબુલ'ના શૂટિંગ સેટને બદલવામાં આવ્યો છે અને પોલીસ જૂના સેટ પર તપાસ કરી રહી છે. કારણ કે, સીરિયલ 'અલી બાબાઃ દાસ્તાન એ કાબુલ'ના સેટ પર તુનીષાએ ફાંસી લગાવીને પોતાનો જીવ આપી દીધો હતો. તુનીષા અને શીઝાને આત્મહત્યાના 15 મિનિટ પહેલા મેક અપ રૂમમાં વાતચીત કરી હતી. આ મેકઅપ રૂમ શીઝાનનો હતો. આવી સ્થિતિમાં પોલીસની સૌથી વધુ શંકા શીઝાન પર ગઈ અને તેઓ અભિનેતાની પૂછપરછ કરી રહ્યા છે.