હૈદરાબાદ: પ્રભાસની મોસ્ટ અવેઈટેડ ફિલ્મ આદિપુરુષ આખરે 16 જૂને સિનેમાઘરોમાં રિલીઝ થઈ છે. ફિલ્મની રિલીઝ પહેલા જ રેકોર્ડબ્રેક એડવાન્સ બુકિંગ થઈ ચૂક્યું હતું. 'આદિપુરુષ' ફિલ્મને દર્શકો દ્વારા હકારાત્મક અને નકારાત્મક પ્રતિસાદ મળ્યો છે. વેપાર અહેવાલો અનુસાર, આદિપુરુષ દિવસ 1 બોક્સ ઓફિસ કલેક્શન હિન્દી વર્ઝન માટે આશરે રૂપિયા 36 થી 38 કરોડ છે. જ્યારે અન્ય ભાષાઓ સહિતનો બિઝનેસ ભારતમાં રૂપિયા 90 કરોડનો નેટ છે. જ્યારે 'આદિપુરુષ' માટે વિદેશમાં ડેટા આવવાનો બાકી છે, ત્યારે વેપારમાં એવી ચર્ચા છે કે, ઓમ રાઉતની ફિલ્મની વિશ્વવ્યાપી કમાણી તેના શરૂઆતના દિવસે રૂપિયા 140 કરોડથી વધુ થવાની સંભાવના છે.
Adipurush Box Office: 'આદિપુરુષ' ફિલ્મે બોક્સ ઓફિસ પર ધમાલ મચાવી, 1 દિવસની કમાણી આટલી - Adipurush box office collections
હાલમાં જ રિલીઝ થયેલી ઓમ રાઉતની ફિલ્મ 'આદિપુરુષ'એ આટલા બધા વિવાદોમાં હોવા છતાં બોક્સ ઓફિસ પર ખૂબ સારું કલેક્શન કર્યું છે. મધ્યમ સમીક્ષાઓ છતાં પ્રભાસ અને કૃતિ સેનન અભિનીત ફિલ્મ 'આદિપુરુષ' તેના શરૂઆતના દિવસે મોટો સ્કોર કરે તેવી શક્યતા છે. આ ફિલ્મ વિશ્વવ્યાપી 140 કરોડથી વધુની કમાણી કરી રહી હોવાનું કહેવાય છે.
'આદિપુરુષ' ફિલ્મે બોક્સ ઓફિસ પર ધમાલ મચાવી, 1 દિવસની તમાણી આટલી
થિયેટરોમાં ધમાકેદાર ઓપનિંગ: તારીખ 16 જૂને રિલીઝ થયેલી પ્રભાસની આદિપુરુષે તેના પ્રથમ દિવસે જંગી ઓપનિંગ લીધી હતી. પ્રભાસ, કૃતિ સેનન અને સૈફ અલી ખાન-સ્ટાર 'આદિપુરુષ'ને ઘણી ટીકાઓનો સામનો કરવો પડ્યો હતો. ચાહકોને રામાયણ પર આધારિત 'આદિપુરુષ' ફિલ્મ પ્રત્યે ઘણી અપેક્ષા હતી. આ ફિલ્મને શરૂઆતના દિવસે તેના VFX અને સંવાદો માટે ભારે ટ્રોલ કરવામાં આવી હતી. પરંતુ તેમ છતાં 'આદિપુરુષ'ને પ્રથમ દિવસે જ થિયેટરોમાં ધમાકેદાર ઓપનિંગ મળી હતી.
બોક્સ ઓફિસ કલેક્શન: અહેવાલો અનુસાર ફિલ્મે હિન્દીમાં રૂપિયા 35 કરોડ, તેલુગુમાં રૂપિયા 58.50 કરોડ, મલયાલમમાં રૂપિયા 0.40 કરોડ, તમિલમાં રૂપિયા 0.70 કરોડ અને ફિલ્મના કન્નડ સંસ્કરણમાં રૂપિયા 0.4 કરોડની કમાણી કરી હતી. આ સાથે ફિલ્મની પ્રથમ દિવસની કુલ કમાણી 95 કરોડ હોવાનું કહેવાય છે. ફિલ્મ તમામ ભાષાઓમાં પ્રથમ દિવસે 100 કરોડના આંકડાને પણ સ્પર્શ કરી શકે છે. પ્રભાસ અને કૃતિ સેનની ફિલ્મ વિવિધ કુલ 5 ભાષાઓમાં રિલીઝ કરવામાં આવી છે, જેમાં હિન્દી, તેલુગુ, તમિલ, મલયાલમ, કન્નડનો સમાવેશ થાય છે.