3 Ekka release: ગુજરાતી ફિલ્મ '3 એક્કા' થિયેટરોમાં રિલીઝ, એશા કંસારાએ પોસ્ટ કરી શેર

એશા કંસારાએ તાજેતરમાં એક પોસ્ટ શેર કરી છે. આ પોસ્ટમાં તેમણે પોતાની સુંદર તસવીરની ઝલક દેખાડી છે અને આ સાથે તેમની તાજેતરમાં રિલીઝ થયેલી ફિલ્મની યાદ અપાવી છે. હાં, આજે મલ્હાર ઠાકર, યશ સોની અને એશા કંસારા અભિનીત ફિલ્મ '3 એક્કા' સિનેમાઘરોમાં રિલીઝ થઈ ગઈ છે.

અમદાવાદ:ગુજરાતી ફિલ્મ '3 એક્કા' આજે સિનેમાઘરોમાં રિલીઝ થઈ ગઈ છે. ત્યારે આ ફિલ્મની અભિનેત્રી એશા કંસારાએ પોતાની સુંદર તસવીર ઈન્સ્ટાગ્રામ પર શેર કરી છે. આ તસવીર સાથે અભિનેત્રીએ તેમની લેટેસ્ટ ફિલ્મના રિલીઝની યાદ અપાવી છે. એશા કંસારા આજે ફિલ્મ રિલીઝ થઈ હોવાથી ખુબ જ ખુશ જોવા મળી રહી છે.

એક્કા કંસારાએ પોસ્ટ કરી શેર: '3 એક્કા' ફિલ્મની અભિનેત્રી એશા કંસારાએ પોતાના સોશિયલ મીડિયા એકાઉન્ટ પર અદભૂત તસવીર શેર કરી છે. આ દરમિયાન તેમણે પોસ્ટ શેર કરીને કેપ્શનમાં લખ્યું છે કે, ''જાનવી અત્યારે સિનેમામાં છે.'' મલ્હાર ઠાકર, યશ સોની, એશા કંસારા અભિનીત ફિલ્મ તારીખ 25 ઓગસ્ટના રોજ થિયેટરોમાં રિલીઝ થઈ ગઈ છે. આ લેટેસ્ટ પોસ્ટ શેર કરીને અભિનેત્રીએ ચાહકોને યાદ કર્યાં છે.

એશા કંસારાએ શેર કરી તસવીર:અભિનેત્રીની તાજેતરમાં પોતાની લેટેસ્ટ તસવીર ચાહકો સાથે શેર કરી છે. પ્રિન્ટેડ ક્રોપ ટોપ અને ટ્રેક પેન્ટમાં ખુબ જ સુંદર દેખાઈ રહી છે. આ સાથે તેમના હાથમાં બેગ, ગળામાં નેકલેશ અને ઈયરિન્ગ્સ સાથે પોતાના લુકને પૂર્ણ કર્યો છે. તેમણે અલગ અલગ ડિઝાઈન સાથે 3 અલગ અલગ તસવીર શેર કરી છે. આ તસવીર જોઈ ચાહકો કોમેન્ટ બોક્સમાં બ્યુટિફુલ, સો ગોર્જિઅસ, લવલી કહી રહ્યાં છે. આ ઉપરાંત તેમને કેટલાક ચાહકોએ હાર્ટ અને ફાયર ઈમોજીસ શેર કરીને પ્રેમનો વરસાદ કર્યો છે. આ દરમિયાન એક ચાહકો ફિલ્મ રિલીઝ થવા બદલ 'ઓલ ધ બેસ્ટ' કહ્યું છે.

3 એક્કા ફિલ્મની સ્ટારકાસ્ટ: '3 એક્કા' એ ફિલ્મમાં એશા કંસારાની સાથે મલ્હાર ઠાકર, યશ સોની, મિત્ર ગઢવી અને હિતુ કનોડિયા સામેલ છે. આ ફિલ્મ આજે તારીખ 25 ઓગસ્ટના રોજ સિનેમાઘરોમાં રિલીઝ થઈ ગઈ છે. આ ફિલ્મ આનંદ પંડિત અને વિશાલ શાહ દ્વારા નિર્મિત છે. રાજેશ શર્મા આ ફિલ્મના નિર્દેશક છે. આ ફિલ્મમાં મલ્હાર ઠાકર અને યશ સોનીની જોડી બોક્સ ઓફિસ પર ધામાલ માચાવવા માટે આવી ગઈ છે. થિયેટરોમાં આજથી નિહાળો '3 એક્કા' ફિલ્મ.