મુંબઈઃ 'એક્સીડેન્ટ ઓર કોન્સ્પિરસીઃ ગોધરા' ઘણા સમયથી હેડલાઈન્સમાં છે. આ ફિલ્મ ઘણી મહેનત અને પાંચ વર્ષના રિસર્ચ પછી બની છે. એમ.કે.શિવક્ષના નિર્દેશનમાં બનેલી ફિલ્મ 'એક્સીડેન્ટ ઓર કોન્સ્પિરસીઃ ગોધરા'નું ટીઝર સોમવારે મુંબઈના ફાઈવ સ્ટાર ખાતે રિલીઝ કરવામાં આવ્યું હતું. મીડિયા રિપોર્ટ્સ અનુસાર ફિલ્મ માટે રિસર્ચ દરમિયાન તેને ઘણા ચોંકાવનારા તથ્યો મળ્યા હતા. જેને ફિલ્મમાં પુરાવા સાથે સારી રીતે રજૂ કરવામાં આવ્યા છે.
ફિલ્મનું પોસ્ટર: આર્ટવર્સ સ્ટુડિયોએ તેના ઓફિશિયલ ઈન્સ્ટાગ્રામ પર ફિલ્મનું પોસ્ટર શેર કર્યું છે, જેમાં કેપ્શન આપવામાં આવ્યું છે કે, 'અંધારામાં સફર: સાબરમતી એક્સપ્રેસમાં પગલું, જ્યાં ભૂલી ગયેલા અવાજો ગુંજ્યા કરે છે. ઇતિહાસના અસંખ્ય પ્રકરણો પર પ્રકાશ પાડતી વખતે હિંમત અને નિરાશાની અસંખ્ય વાર્તાઓનો અનુભવ કરો.'
ફિલ્મ સ્ટોરી: 'એક્સીડેન્ટ ઓર કોન્સ્પિરસીઃ ગોધરા'નું 1 મિનિટ 11 સેકન્ડનું ટીઝર સાબરમતી એક્સપ્રેસથી શરૂ થાય છે. આ પછી ગોધરાની વર્ષ 2002ની ફાઈલ એક વ્યક્તિના હાથમાં બતાવવામાં આવી છે. ટીઝરમાં સાંપ્રદાયિક હુલ્લડ બતાવવામાં આવ્યું છે. વીડિયોમાં ચારેબાજુ આગ દેખાઈ રહી છે. રિપોર્ટ અનુસાર આ રમખાણોમાં 59 લોકો માર્યા ગયા હતા. આ પછી વર્ષ 1948 થી 2002 સુધીના સમયનો ઉલ્લેખ કરવામાં આવ્યો છે.
ફિલ્મનો ઉદ્દેશ્ય: ટીઝર મુજબ ફિલ્મ નાણાવટી-મહેતા કમિશનના તથ્યો અને પુરાવાઓ પર આધારિત છે, જે ગોધરા ટ્રેન સળગાવવાની ઘટનાની તપાસ માટે રચવામાં આવી હતી. ફિલ્મનો ઉદ્દેશ્ય ગોધરામાં બનેલી ઘટનાનું સત્ય ઉજાગર કરવાનો છે. શું આ ઘટના એવી હતી કે, કેટલાક લોકોએ ગુસ્સામાં ટ્રેનને આગ ચાંપી દીધી હતી કે પછી તે પૂર્વ આયોજિત કાવતરું હતું ?
- Tovino Thomas Film 2018: ટોવિનો થોમસની ફિલ્મ '2018' મોહનલાલની 'પુલિમુરુગન'ને પાછળ છોડી, બનાવ્યો નવો રેકોર્ડ
- Vicky Kaushal: વિકી કૌશલ ગુજરાતના પ્રવાસે, અભિનેતાએ ફાફડા જલેબીની તસવીર શેર કરી
- Rakul Singh: રકુલ પ્રીત સિંહ બ્લેક ગાઉનમાં ટોન્ડ લેગ્સને ફ્લોન્ટ કર્યા, તસવીર તમારું દિલ ચોરી લેશે
