મહારાષ્ટ્ર: ઔંધ વિસ્તારમાં બુધવારે બપોરે એક યુવતીની છરીના ઘા મારીને હત્યા કરવામાં આવી (A girl who refused to marry was stabbed to death) હતી. યુવતીની ઓળખ 26 વર્ષીય શ્વેતા વિજય રાનડે તરીકે થઈ છે. પોલીસે પ્રતિક કિશન ધમાલે (27) વિરુદ્ધ ચતુર્શિંગી પોલીસ સ્ટેશનમાં કેસ નોંધ્યો છે.
મળતી માહિતી અનુસાર:2018માં એક સંબંધીના લગ્નમાં પ્રતિક સાથે શ્વેતાનો પરિચય થયો હતો. બંનેએ લગ્ન કરવાનો નિર્ણય લીધો હતો, પરંતુ થોડા દિવસો પછી તેણે શ્વેતાને હેરાન કરવાનું શરૂ કર્યું હતું. તેણે તેણીને ફોન કરીને માનસિક ત્રાસ આપવાનું શરૂ કર્યું હતું. આના પર શ્વેતાએ તેની સાથે લગ્ન કરવાની ના પાડી દીધી હતી. તેમજ તેણે આ વાત તેના પરિવારને જણાવી હતી. પરંતુ પ્રતીકે તેને આત્મહત્યાની ધમકી (Suicide threat) આપીને વધુ હેરાન કરતો હતો. આ અંગે તેણે બે મહિના પહેલા ચતુર્શિંગી પોલીસ સ્ટેશનમાં ફરિયાદ પણ નોંધાવી હતી.
ઉચ્ચ અભ્યાસ માટે ફરીથી વિદેશ જવા માંગતી હતી:બુધવારે બપોરે એક વાગ્યાના સુમારે શ્વેતા તેની માતા દિપાલી સાથે બાઇક પર ઘરે આવી ત્યારે પાર્કિંગમાં ઉભેલા પ્રતીકે તેના ગળા, છાતી અને પેટ પર છરીના ઘા ઝીંકી દીધા હતા. તે ધમકી આપીને ભાગી ગયો હતો.ગંભીર રીતે ઇજાગ્રસ્ત યુવતીને હોસ્પિટલમાં દાખલ કરવામાં આવી હતી જ્યાં સારવાર પહેલા ડોક્ટરોએ તેને મૃત જાહેર કરી હતી. શ્વેતા સીએનો અભ્યાસ કરતી હતી. થોડા દિવસ પહેલા તે ઉચ્ચ શિક્ષણ માટે વિદેશ પણ ગઇ હતી. તેના પિતાનું ત્રણ વર્ષ પહેલા હૃદયરોગના હુમલાથી અવસાન થયું હતું. તે તેની માતા અને ભાઈ સાથે ઘરે રહેતી હતી. સીએનો કોર્સ પૂરો કર્યા બાદ તે ઉચ્ચ અભ્યાસ માટે ફરીથી વિદેશ જવા માંગતી હતી. શ્વેતાની આ ઘાતકી હત્યાથી તેના પરિવાર સહિત પાડોશીઓ આઘાતમાં છે.
ગળેફાંસો ખાઈને આત્મહત્યા: બે મહિના પહેલા પોલીસમાં નોંધાયેલી ફરિયાદના આધારે પ્રતિક સામે કાયદેસરની કાર્યવાહી કરવામાં આવી હોત તો કદાચ આજે શ્વેતાનો જીવ બચી ગયો હોત. શ્વેતાના પરિવારે આ ગંભીર ઘટના માટે જવાબદાર પોલીસ અધિકારીઓ અને કર્મચારીઓ સામે કાર્યવાહી કરવાની માંગ કરી છે. હાલમાં પ્રાથમિક માહિતી મળી રહી છે કે શ્વેતાની હત્યાના આરોપી પ્રતીક ધામેલે આજે ટાટા ડેમ પાસે ગળેફાંસો ખાઈને આત્મહત્યા કરી લીધી છે.
