વડોદરા શહેરના વોર્ડ નંબર-19ના સ્થાનિકો સાથે ETV BHARATની વોર્ડ ચૌપાલ

સ્થાનિક સ્વરાજની ચૂંટણી જાહેર થઈ ગઈ છે. ત્યારે વડોદરા શહેરના વોર્ડની અંદર પૂર્વ કાઉન્સિલરોએ ક્યા કામ કર્યા છે અને કયા કામ બાકી છે અને હાલ સ્થાનિકોને શું સમસ્યા છે, તે અંગે ETV BHARATએ રહીશો સાથે ચર્ચા કરી છે.

• વડોદરા શહેરના સ્થાનિક લોકો સાથે વોર્ડ ચૌપાલ
• ચૂંટણી જાહેર થતા નાગરિકોના કોર્પોરેશન કાઉન્સિલર સામે આક્ષેપ
• વડોદરા કોર્પોરેશનના વોર્ડ નંબર-19ના રહીશો સાથે ETV BHARATની વાતચીચ
  

વડોદરાઃ શહેરના કોર્પોરેશનના વોર્ડ નંબર-19 વિસ્તાર એટલે મકરપુરા, મકરપુરા ગામ, માણેજા, તરસાલી, સુસેન સહિતનો વિસ્તારની સોસાયટીઓનો સમાવેશ થાય છે. જેમાં 4 ભાજપના કાઉન્સિલર છે, જે ભાજપના જૈમીન અમીન, જીવરાજ ચૌહાણ, કામિનીબેન સોની, ભાવનાબેન પાટણવાડીયા કોર્પોરેટર છે.

વોર્ડ નંબર-19ની સમસ્યા

વોર્ડ નંબર-19 માંજલપુર વિધાનસભાના રાજ્ય પ્રધાન યોગેશ પટેલ ધારાસભ્ય છે. મકરપુરા, મકરપુરા ગામ, માણેજા, તરસાલી, સુસેન સહિતની સોસાયટીઓનો સમાવેશ આ વોર્ડમાં થાય છે. વિસ્તારની જો વાત કરવામાં આવે તો પ્રાથમિક કે જીવન જરૂરિયાત પીવાનું ચોખ્ખું પાણી નાગરિકોને મળતું નથી. પીવાના પાણીમાં ડ્રેનેજનું પાણી ભળીને આવે છે તેવો સ્થાનિકોનો આક્ષેપ છે. આ ઉપરાંત ડોર ટુ ડોર કચરાની ગાડી આવતી નથી, ડ્રેનેજ ઉભરાય છે, રોડ રસ્તા ખરાબ છે રસ્તા પર ગાબડા પડયા છે અને આ વોર્ડ પૂર્વ ડેપ્યૂટી મેયર જીવરાજ ચૌહાણનો છે છતાં પણ અન્ય કોઈપણ પ્રકારની સુવિધાઓ કરવામાં આવી નથી.

અર્બન હેલ્થ સેન્ટરનું પણ ડેવલોપમેન્ટ નથી

મહત્વની વાત કરવામાં આવે તો શિક્ષણ વિભાગ પર સરકાર ભાર મૂકી રહી છે, ત્યારે અહીંયા આંગણવાડી પણ બનાવવામાં આવી નથી. આ વિસ્તારને ધ્યાનમાં લઈને કોઈપણ અર્બન હેલ્થ સેન્ટરનું પણ ડેવલોપમેન્ટ કરવામાં આવ્યું નથી. નાગરિકોને આ સમસ્યાનો ઉકેલ પણ જણાયો હતો કે, પીવાની પાણીની પાઇપ લાઇનમાં ડ્રેનેજની લાઈન મિક્સ થાય છે.

સ્થાનિકો સાથે શાસક અને વિપક્ષના પ્રતિસાદ

સ્થાનિકોએ જણાવ્યું હતું કે, પાંચ વર્ષની અંદર શાસક પક્ષના ભાજપના કાઉન્સીલરો અમારી કોઈ પણ રજૂઆતો સાંભળતા નથી અને કોઈ પણ રજૂઆત લઈને જઈએ તો મારું કામ કરતા નથી. જ્યારે કોંગ્રેસના નેતાઓમાં જેમને ટિકિટ મળી છે એવા લાલસિંગ ઠાકોર શાસક પક્ષ નથી વિપક્ષમાં છે અમે જ્યારે એમની પાસે કોઈ પણ રજૂઆત લઈને જઈએ ત્યારે અમારી વાત સાંભળે છે. કોર્પોરેશનમાં અધિકારીઓને પણ રજૂઆત કરે છે. આમ જોવા જઇએ તો પાંચ વર્ષની અંદર આ વોર્ડની અંદર પ્રાથમિક સુવિધા અને ચોખ્ખું પાણી નાગરિકોને શાસક પક્ષના કાઉન્સલર કોર્પોરેશન આપી શક્યું નથી. હવે જોવાનું છે કે, આગામી કોર્પોરેશનની ચૂંટણીમાં વોર્ડ નંબર-19ના નાગરિકો કોને મત આપે છે.