વડોદરા જિલ્લા એલસીબીએ વિદેશી દારૂના જથ્થો સાથે 2 ઈસમોની ધરપકડ કરી

વડોદરા ગ્રામ્ય એલસીબી પોલીસની ટીમે કોટંબી બસ સ્ટેન્ડ પાસેથી ગાડીમાં ચોરખાનું બનાવી વિદેશી દારૂનો જથ્થો સંતાડી ખેપ મારતા બે શખ્સોને ઝડપી પાડી દારૂ મોકલનાર શખ્સને વોન્ટેડ જાહેર કર્યો છે.એલસીબી પોલીસે સ્થળ ઉપરથી 1.13 લાખની કિંમતની દારૂની 1464 બોટલો ગાડી, મોબાઈલ ફોન સહિત 8.70 લાખની મત્તા કબ્જે કરી છે.

ગ્રામ્ય પોલીસની બુટલેગરો સામે લાલ આંખ

પોલીસ થી બચવા નવો કીમિયો ગાડીના ચોરખાનામાં દારૂનો જથ્થો સંતાડયો

કોટંબી બસ સ્ટેન્ડ પાસેથી વિદેશી દારૂ ભરેલી ગાડી એલસીબીએ ઝડપી પાડી

વડોદરા : ગ્રામ્ય લોકલ ક્રાઈમ બ્રાંચ પોલીસની ટીમ પેટ્રોલિંગ કરી રહી હતી. તે સમય દરમિયાન ચોક્કસ માહિતી મળી હતી કે, ભારતીય બનાવટનો વિદેશી દારૂનો જથ્થો ગાડીના ચોર ખાનામાં સંતાડીને હાલોલથી વડોદરા તરફ લઈ જવાઈ રહ્યો છે.જેના આધારે પોલીસે કોટંબી બસ સ્ટેન્ડ પાસે વોચ ગોઠવી હતી.

8.73 લાખનો મુદ્દામાલ જપ્ત,એકને વોન્ટેડ જાહેર કર્યો

પોલીસે બાતમી મુજબની ગાડી આવતાં જ તેને અટકાવી હતી. અને તેમાં તલાશી લેતા પાછળના ભાગે પતરાની નીચે ચોરખાનું બનાવી સંતાડેલો વિદેશી દારૂનો જથ્થો મળી આવ્યો હતો.પોલીસે કારમાં સવાર ચિત્તોડગઢના રહેવાથી કૈલાશ અને બનાસકાંઠાના રહેવાસી વિપુલ નામના વ્યક્તિની અટકાયત કરી હતી.આ દારૂનો જથ્થો કયાંથી લાવ્યા હતા અને કોને પહોંચાડવાનો હતો. તે દિશામાં તપાસના ચક્રો ગતિમાન કર્યા છે. પ્રાથમિક પૂછતાછ દરમિયાન આ દારૂનો જથ્થો રાજસ્થાનના વિજેશ નામના વ્યક્તિએ મોકલ્યો હોવાની કબૂલાત કરતાં પોલીસે તેને વોન્ટેડ જાહેર કર્યો છે.