મુંબઈ મહાનગર વિસ્તારમાં પહેલી ઓક્સિજન એક્સપ્રેસ ટ્રેન પહોંચી

તારીખ 25 એપ્રિલ, 2021ના રોજ 18.03 કલાકે ગુજરાતના હાપાથી રવાના થયેલા લિક્વિડ મેડિકલ ઓક્સિજન (LMO) ત્રણ ટેન્કરથી ભરેલી એક રો-રો સેવા 26 એપ્રિલ, 2021ના રોજ સવારે 11.25 કલાકે મહારાષ્ટ્ર, મુંબઈના કલામ્બોલી પહોંચી હતી. આ ઓક્સિજન ટેન્કર મેસર્સ રિલાયન્સ ઇન્ડસ્ટ્રીઝ, જામનગર દ્વારા સપ્લાય કરવામાં આવ્યા હતા.

• ઓક્સિજન ટેન્કરની સપ્લાય જામનગર મેસર્સ રિલાયન્સ ઈન્ડસ્ટ્રીઝે કરી
• 3 ઓક્સિજન ટેન્કર રો-રો સેવા દ્વારા ગુજરાતના હાપાથી મહારાષ્ટ્રના કલામ્બોલી પહોંચ્યા
• કોવિડ-19 સામેની લડતમાં રેલવે ઓક્સિજન એક્સપ્રેસ ટ્રેનનું સંચાલન કરી રહી છે

વડોદરાઃઓક્સિજન એક્સપ્રેસ ટ્રેન દ્વારા તેના લક્ષ્ય સુધી પહોંચવા માટે 860 કિ.મી.ની યાત્રા કરીને આ ટેન્કરોએ લગભગ 44 ટન પ્રવાહી લિક્વિડ મેડિકલ ઓક્સિજનનું પરિવહન કર્યું હતું. ઓક્સિજન એક્સપ્રેસ ટ્રેનની સરળ ગતિવિધિ માટે કલામ્બોલી ગુડ્ડ શેડ ખાતે પૂરતી જરૂરી વ્યવસ્થા કરવામાં આવી હતી. ઓક્સિજન એક્સપ્રેસ ટ્રેન તમામ સુરક્ષા પરિમાણોને ધ્યાનમાં રાખીને હાપાથી વિરમગામ, અમદાવાદ, વડોદરા, સુરત, વસઈ રોડ અને ભિવંડી રોડ થઈને કલામ્બોલી પહોંચી હતી. ઓક્સિજન એક્સપ્રેસની ગતિ માટે ગ્રીન કોરિડોર આપવામાં આવ્યું છે. રેલવે ખાતરી આપી રહ્યું છે કે ઓક્સિજન એક્સપ્રેસ દ્વારા દેશભરના કોવિડ-19 દર્દીઓ માટે તબીબી ઓક્સિજન ઉપલબ્ધ કરાવવામાં આવી રહ્યું છે, જે જરૂરીયાતમંદોને રાહત પૂરી પાડશે.

ઓક્સિજન ટેન્કરની સપ્લાય જામનગર મેસર્સ રિલાયન્સ ઈન્ડસ્ટ્રીઝે કરી

આ પણ વાંચોઃ ગુજરાતથી મોકલાયેલી 'ઓક્સિજન એક્સપ્રેસ' મુંબઈના કલમ્બોલી રેલવે સ્ટેશન પહોંચી

25 એપ્રિલ, 2021 સુધી કુલ 150 ટન લિક્વિડ ઓક્સિજનનું પરિવહન કરવામાં આવ્યું

રેલ્વે દ્વારા અત્યાર સુધીમાં મુંબઈથી વિજાગ થઈ વાયા નાગપુર અને નાસિક તથા લખનઉથી બોકારો વચ્ચે ઓક્સિજન એક્સપ્રેસ ટ્રેન સંચાલિત કરવામાં આવી છે. 25 એપ્રિલ, 2021 સુધી કુલ 150 ટન લિક્વિડ ઓક્સિજનનું પરિવહન કરવામાં આવ્યું છે.

3 ઓક્સિજન ટેન્કર રો-રો સેવા દ્વારા ગુજરાતના હાપાથી મહારાષ્ટ્રના કલામ્બોલી પહોંચ્યા

આ પણ વાંચોઃ પશ્ચિમ રેલવે દ્વારા પહેલી ઓક્સિજન એક્સપ્રેસ ટ્રેન દોડાવવામાં આવી

ઓક્સિજન એક્સપ્રેસ ટ્રેન દેશના જુદા જુદા ભાગોમાંથી ચલાવવામાં આવી રહી છે

ઓક્સિજન એક્સપ્રેસ ટ્રેન દેશના જુદા જુદા ભાગોમાંથી ચલાવવામાં આવી રહી છે. લિક્વિડ ઓક્સિજન ક્રાયોજેનિક કાર્ગો હોવાને કારણે મહત્તમ ગતિ વિશે કે જે તે પ્રવેગ અને અધોગતિ પર લઈ શકાય છે. તેના વિશે વિશેષ કાળજી લેવામાં આવી છે. રેલ્વે દ્વારા સતત જરૂરી ચીજવસ્તુઓનું પરિવહન કરવાનું ચાલુ રાખવામાં આવ્યું છે. ગત વર્ષે લોકડાઉન દરમિયાન પણ સપ્લાય ચેઇનને અખંડ રાખવામાં આવી છે અને કટોકટીમાં દેશની સેવા કરવાનું ચાલુ રાખ્યું છે.

કોવિડ-19 સામેની લડતમાં રેલવે ઓક્સિજન એક્સપ્રેસ ટ્રેનનું સંચાલન કરી રહી છે