વડોદરાઃ રાજ્યમાં રખડતા ઢોરના ત્રાસની અનેક ઘટનાઓ સામે આવે છે. કેટલીક વાર તો રખડતા ઢોરના કારણે (Stray Cattle Terror in Vadodara) લોકોએ જીવ પણ ગુમાવવાનો વારો આવે છે. તો કેટલાક લોકોને ગંભીર ઈજા પહોંચતા હોસ્પિટલમાં દાખલ પણ થયા છે. જોકે, વડોદરામાં તો રખડતી ગાયે એક વિદ્યાર્થીને અડફેટે લેતા તેને આંખ ગુમાવવી પડી છે.
ગોવર્ધન ટાઉનશિપ પાસે થયો અકસ્માત -શહેરના વાઘોડિયા વિસ્તારમાં ગોવર્ધન ટાઉનશિપ (Vaghodia Govardhan Township) પાસે એક ગાયે વિદ્યાર્થીને અડફેટે લેતા અકસ્માત થયો હતો. વિદ્યાર્થી હેનિલ પટેલ વડોદરાની એમ. એસ. યુનિવર્સિટીની પોલિટેકનિક કૉલેજમાં (MS University Polytechnic College) ડિપ્લોમાનો અભ્યાસ કરે છે. તે એક્ટિવા લઈને કૉલેજથી ઘરે ઝઈ રહ્યો હતો. તે દરમિયાન જ અચાનક ડિવાઈડર કૂદીને આવેલી ગાડે તેની એક્ટિવાને ટક્કર મારી હતી.
વિદ્યાર્થીની ફૂટી ગઈ આંખ -આ ઘટનામાં વિદ્યાર્થી હેનિલ પટેલને ગાયનું શિંગડું વાગતા (Student injured by Stray Cattle) તેની આંખ ફૂટી ગઈ હતી. જોકે, તેને ગંભીર ઈજા પહોંચતા સ્થાનિકો તેને ખાનગી હોસ્પિટલમાં લઈ જવાયો હતો. અહીં તેની ગંભીર હાલત થતા તેને હાયર સેન્ટર અમદાવાદ ખાતે રિફર કરવામાં આવ્યો હતો.