વડોદરા: શહેરના ગોત્રી હરિનગર બ્રિજ પાસે આવેલી અને બિનઅધિકૃત વિદેશી સિગારેટનું વેચાણ કરતી દુકાનમાં દરોડો પાડી વડોદરા શહેર SOG પોલીસે સિગારેટનો જથ્થો જપ્ત કરી દુકાન માલિકની ધરપકડ કરી હતી.
વિદેશી સિગારેટના પેકેટો કોઈપણ પ્રકારની આરોગ્ય વિષયક ચેતવણી કે સૂચના વગર હોવાના મળી આવ્યા
ગોત્રી રોડ વિસ્તારના હરિનગર બ્રિજ નીચે આવેલ ક્રિષ્ણા કોમ્પલેક્સમાં અમર પાન નામની દુકાન આવેલ છે. આ દુકાનના સંચાલક જય ચંદીરામ કોટવાણી વિદેશી સિગારેટોનું ગેરકાયદે વેચાણ કરી રહ્યો હતો.જોકે વિદેશી સિગારેટના પેકેટો ઉપર કોઈપણ પ્રકારની આરોગ્ય વિષયક ચેતવણી કે સૂચના વગર હોવાનું જણાઈ આવ્યું હતું.અમર પાનની દુકાનમાં વિદેશી સિગારેટના પેકેટોનું વેચાણ થઈ રહ્યું હોવાની બાતમી એસઓજીના પોલીસ સ્ટાફને મળી હતી.જેના આધારે એસઓજીની ટીમે ઉપરોકત સ્થળે અમર પાન હાઉસની દુકાન ખાતે રેડ કરી હતી.જ્યાં દુકાનમાં હાજર સંચાલક જય કોટવાણીની પૂછપરછ સાથે દુકાનની તલાશી લીધી હતી.જેમાં વિદેશી સિગારેટના 13 નંગ અને ગોલ્ડન વર્જિનિયા ટોબેકોના પેકેટ નંગ - 1 મળી કુલ 14 પેકેટ કિંમત રૂા.2380 નો જથ્થો મળી આવ્યો હતો.પોલીસે સિગારેટ વેચાણના રોકડા રૂ.1120 મળી કુલ રૂ.3,500 નો મુદ્દામાલ જપ્ત કરી ગુનો નોંધી આગળની કાર્યવાહી હાથ ધરી હતી.
