વડોદરા: લોકડાઉનના સમયમાં બીડી સિગારેટ તમાકુની બનાવટની આઈટમ વેચાણ ઉપર પ્રતિબંધ હોવા છતાં કરજણનો ઈસમ કિશનકુમાર લાલવાણી નવા બજાર કરજણને પોલીસે બાતમીના આધારે, બીડી, સિગારેટ તમાકુની બનાવટની આઇટમો સાથે તપાસ કરતાં 1,53,000ના મુદ્દામાલ સાથે ઝડપી લીધો હતો.
કરજણમાંથી તમાકુ, ગુટકાના જથ્થા સાથે પોલીસે કરી એકની ધરપકડ
કરજણ પોલીસ સબ ઇન્સ્પેક્ટર એચ.એમ.રાણાના માર્ગદર્શન હેઠળ એપડેમીક એકટ-1897ની કલમ 3 મુજબ ગુનો દાખલ કરી ધરપકડ કરી કાર્યવાહી હાથ ધરવામાં આવી હતી. કરજણ પોલીસને મળેલી બાતમીના આધારે કરજણ ટાઉનમાં બજાર સમિતિ પાસે જય પ્રોવિઝન સ્ટોર દુકાન નંબર 101 શાકમાર્કેટના માલિક કિશનકુમાર લાલવાણીની બજાર સમિતિમાં આવેલ દુકાનમાંથી તમાકુની બનાવટની આઇટમો સાથે મોટરસાયકલ પર થેલામાં લઈને નીકળવા અંગેની બાતમીના આધારે કરજણ નગરમાં આવેલ બજાર સમિતિની અંદર પોલીસે વોચ ગોઠવી હતી.