વડોદરાઃ ગાંધી જયંતિના દિવસે સરકાર દ્વારા અનેક નવા કાર્યોનું ખાતમુહુર્ત કરવામાં આવ્યું છે. ત્યારે વડોદરાના કરજણ તાલુકાના મિયાગામમાં સુમેરુ હોસ્પિટલ દ્વારા મુખ્ય જિલ્લા આરોગ્ય અધિકારી ડોક્ટર ઉદય તિલાવતના હસ્તે શ્રીમતી માલિની કિશોર સંધવી હોસ્પિટલ અને એજ્યુકેશનલનું 2 જી ઓક્ટોમ્બરનાં રોજ વિકાસ કાર્યક્રમનું ઉદઘાટન કરવામાં આવ્યું હતું.
આ કાર્યક્રમમાં સરકારના જુદાં જુદાં વિભાગોમાંથી તેમજ આરોગ્ય વિભાગ સંકલિત બાલ વિકાસ કાર્યક્રમ વિભાગના અધિકારીઓ ઉપસ્થિત રહ્યા હતા. બાળકોમાં કુપોષણ એ દરેક દેશની ગંભીર સમસ્યા છે. કુપોષિત બાળકો જે-તે દેશ કે રાજયની છબી છતી કરે છે. માલ ન્યૂટ્રેશન રિસર્ચ પ્રોગ્રામ કરજણ તાલુકાના કુપોષિત બાળકોને આરોગ્યની સેવાઓ આપશે.