વડોદરા: શહેરમાં આ વર્ષે કોરોનાને કારણે ઉત્તરાયણમાં ગ્રહણ જોવા મળી રહ્યું છે. રાજ્ય સરકારની નવી ગાઈડલાઈન પ્રમાણે કેટલાક પ્રતિબંધો(Government's new guideline in Uttarayan) લાદવામાં આવ્યા છે. ઉત્તરાયણના સમયે વડોદરામાં ગેંડીગેટ વિસ્તારમાં પતંગ બજારમાં આ વખતે ગ્રાહકોની સંખ્યામાં ઉણપ જોવા મળી રહી છે. વેપારીઓને આ વખતે 50 ટકા જેટલુ જ વેચાણ થયું છે, તે પણ પડતર કિંમતે વેચી રહ્યા છે.
વડોદરામાં ઉતરાયણ આવી ગઇ પણ ગ્રાહકો ન આવ્યા, વેપારીઓને રાતા પાણીએ રડવાનો આવ્યો વારો
પતંગોના ભાવમાં વધારો
કોરોનાકાળને લઈને ચાલુ વર્ષે પતંગના કાગળ, કારીગરોની મજૂરીમાં વધારો થયો છે. પતંગના વેપારીઓના જણાવ્યા મુજબ ચાલુ વર્ષે પતંગના ભાવોમાં 20 ટકાનો વધારો નોંધાયો છે. બજારમાં એક કોડી પતંગના ભાવ 90 રૂપિયાથી લઈને 250 રૂપિયા સુધી છે. પડતર ભાવે પતંગો વેચવા છતાં પણ ઘરાકીમાં ઘટાડો જોવા મળી રહ્યો છે.