વડોદરામાં ફૂડ વેન્ડીંગ એસ્ટાબ્લીશમેન્ટ અંતર્ગત રેસ્ટરોન્ટમાં આકસ્મિત ચેકિંગ હાથ ધરાયું

વડોદરા ખાતે હોટલ, રેસટોરેન્ટ અને દુકાનો ખાતે ફૂડ વેન્ડીંગ એસ્ટાબ્લીશમેન્ટ અંતર્ગત આકસ્મિત ચેકિંગ હાથ ધર્યું હતું. તે અંતર્ગત 180 ખાધ્ય સામગ્રીઓના નમૂના લઇને સરકારી લેબોરેટરીમાં મોકલ્યા હતા. યોગ્ય સ્વચ્છતા ન જાળવવા બદલ પાંચ ઓપરેટરોને શીડ્યુઅલ-4ની નોટિસ પણ અપાઈ હતી.

• આરોગ્ય વિભાગની ખોરાક શાખા દ્વારા હોટલ, રેસ્ટોરન્ટ, દુકાનો ખાતે ચેકિંગ હાથ ધરાયુ
• 180 નમૂના લઈ તપાસ માટે સરકારી લેબોરેટરીમાં મોકલ્યા
• ફૂડ વેન્ડીંગ એસ્ટાબ્લીશમેન્ટ અંતર્ગત આકસ્મિત ચેકિંગ હાથ ધર્યું

વડોદરા : પાલિકાના આરોગ્ય વિભાગની ખોરાક શાખા દ્વારા કોવિડ–19ની ગાઈડલાઈનનું પાલન કરાવવા સાથે ઈટ રાઈટ ચેલેંજ પ્રોગ્રામના અંતર્ગત ખાદ્યપદાર્થના નમૂના લીધા હતા. જેમાં આઈસ્કીમ સહિત કુલ 180 નમૂના લઈ તપાસ માટે સરકારી લેબોરેટરીમાં મોકલવામાં આવ્યા હતા.

ફૂડ વેન્ડીંગ એસ્ટાબ્લિશમેન્ટ અંતર્ગત આકસ્મિક ચેકિંગ હાથ ધરાયું

પાલિકાના કમિશ્નર સ્વરૂપ પી.ની સૂચના હેઠળ ખોરાક શાખાના અધિક આરોગ્ય અમલદાર ડૉ. મુકેશ વૈદ્યના માર્ગદર્શન હેઠળ ખોરાક શાખાની ટીમે શહેરની હોટલ, રેસ્ટોરન્ટ, મિઠાઈ, ફરસાણની દુકાનો તેમજ ચા-નાસ્તાની લારીઓ ફૂડ વેન્ડીંગ એસ્ટાબ્લિશમેન્ટ અંતર્ગત આકસ્મિક ચેકિંગ હાથ ધરાયું હતું.

180 ખાદ્યપદાર્થોના નમૂના લેવામાં આવ્યા

180 ખાદ્યપદાર્થોના નમૂના લેવામાં આવ્યા હતા. જેમાં તેલ, ઘી, પનીર, દૂધ, મેંદો, લોટ, મરી-મસાલા, પ્રિપેડ ફૂડ સહિતના પદાર્થોને પબ્લિક હેલ્થ લેબોરેટરીમાં પૃથ્થકરણ અર્થે મોકલવામાં આવ્યા હતા. આ ઉપરાંત જુદા-જુદા વિસ્તારમાં આવેલા આઈસ્ક્રીમના મેન્યુફેક્ચરિંગ યુનિટ પરથી આઈસ્કીમના 29 નમૂના લેવામાં આવ્યા હતા.

કોવિડ-19ની ગાઈડ લાઈનનું પાલન કરવાની સૂચના અપાઈ

ચેકિંગ દરમિયાન કોવિડ-19ની ગાઈડ લાઈનનું ચુસ્તપણે પાલન કરવાની સૂચના અપાઈ હતી. ફૂડ સેફ્ટી એન્ડ સ્ટાન્ડર્ડ એક્ટ મુજબ, યોગ્ય સ્વચ્છતા ન જાળવવા બદલ પાંચ ઓપરેટરોને શીડ્યુઅલ-4ની નોટિસ અપાઈ હતી. જ્યારે રજીસ્ટ્રેશન ન હોવાથી અન્ય એક ઓપરેટરને નોટિસ અપાઇ હતી.