વડોદરામાં દૂધ વગરની ચા બનાવી કોંગ્રેસ કાર્યકરોએ દૂધના ભાવ વધારા માટે કર્યા વિરોધ પ્રદર્શન

વડોદરામાં મકરપુરા સ્થિત બરોડા ડેરી પાર્લર બહાર કોંગ્રેસ દ્વારા દૂધના ભાવ વધારાનો અનોખી રીતે વિરોધ કરવાંમાં આવ્યો હતો. કોંગ્રેસ કાર્યકરોએ દૂધ વગરની ચા બનાવી વિરોધ કર્યો હતો, જેમાં પોલીસે કાર્યકરોની અટકાયત કરી હતી.

• વડોદરામાં કોંગ્રેસ દ્વારા દૂધના ભાવ વધારાનો વિરોધ
• મકરપુરા સ્થિત બરોડા ડેરી પાર્લર બહાર કોંગ્રેસના દેખાવો
• કોંગ્રેસ પ્રમુખ પ્રશાંત પટેલ સહિત મોટી સંખ્યામાં કાર્યકરો દેખાવોમાં જોડાયા

વડોદરા: બરોડા ડેરીએ અમૂલ ગોલ્ડ દૂધના લિટરે 4 રૂપિયાનો ભાવ વધારો કરતા ભાવ વધારાના વિરોધમાં મકરપુરા સ્થિત બરોડા ડેરી પાર્લર બહાર કોંગ્રેસના કાર્યકરોએ દૂધ વગરની ચા બનાવી દૂધના ભાવ વધારાનો વિરોધ નોંધાવ્યો હતો. વિરોધ પ્રદશનમાં કોંગ્રેસ પ્રમુખ પ્રશાંત પટેલ સહિત મોટી સંખ્યામાં કાર્યકરોઓ જોડાયા હતા.

આ પણ વાંચો: પેટ્રોલ-ડીઝલના ભાવ વધારા સામે કોંગ્રેસના ધરણા, રાજકોટમાં congressના 25 નેતાઓની અટકાયત

પોલીસ અને કાર્યકરો વચ્ચે ઘર્ષણના દ્ર્શ્યો

દૂધના ભાવ વધારાના વિરોધમાં કોંગ્રેસ કાર્યકરોએ રોડ પર ચૂલો બનાવી દૂધ વગરની ચા બનાવી હતી. પોલીસે દૂધ વગર ની ચા બનાવી દૂધના ભાવ વધારાનો વિરોધ કરી રહેલા કોંગ્રેસ પ્રમુખ પ્રશાંત પટેલ વિપક્ષ નેતા અમી રાવત સહીત 20થી વધુ કોંગ્રેસ કાર્યકરોની પોલીસે અટકાયત કરી હતી. વિરોધ કરી રહેલા કોંગ્રેસ કાર્યકરોની અટકાયત કરતા પોલીસ અને કાર્યકરો વચ્ચે ઘર્ષણના દ્ર્શ્યો જોવા મળ્યા હતા.