સુરતમાં યુથનેશન દ્વારા ડ્રગ્સ, સિગરેટ જેવા નશીલા પદાર્થો વિરુદ્ધ રેલીનું આયોજન કરાયું

સુરતમાં યુથનેશન દ્વારા ડ્રગ્સ અને નશિલા પદાર્થથી દૂર રહેવાના સંદેશ સાથે રેલી કરી હતી. રેલીમાં સુરત પોલીસ કમિશ્નર અજય તોમર, સુરત કલેક્ટર ધવલ પટેલ સહિતના આગેવાનોએ આ રેલીને પ્રસ્થાન કરાવ્યું હતું.

• યુથનેશન દ્વારા યોજવામાં આવી રેલી
• નાટક-પ્રદર્શનથી લોકોને સંદેશ
• ડ્રગ્સ અને નશિલા પદાર્થથી દૂર રાખવા ઝૂંબેશ

સુરત : સુરતમાં યુથનેશન દ્વારા દર વર્ષની જેમ આ વર્ષે પણ અલગ-અલગ નાટકોના પ્રદર્શન કરીને લોકોને ડ્રગ્સ, સિગરેટ જેવા નશીલા પદાર્થોથી દૂર રહેવાનો સંદેશો આપ્યો હતો. આ રેલીમાં સુરત પોલીસ કમિશ્નર અજય તોમર, સુરત કલેક્ટર ધવલ પટેલ સહિતના આગેવાનોએ આ રેલીને પ્રસ્થાન કરાવ્યું હતું. આ રેલીમાં સુરત ટ્રાફિક પોલીસ, યુથનેશનના મિત્રો બાઈક ઉપર રેલી કરી હતી. આ રેલી અઠવાલાઇન્સથી પીપલોદ સુધી યોજાઈ હતી.

યુથેશન દ્વારા આયોજીત રેલી

શહેરમાં જાગૃત નાગરિકોનો મોટો ફાળો રહેલો છે

સુરત પોલીસ કમિશ્નર અજય તોમારે આ રેલીને લઇને જણાવ્યું કે, "મેં જ્યારે સુરત પોલીસ કમિશ્નર તરીકે ચાર્જ સંભાળ્યો. ત્યારે મને મારા પોલીસ ઓફિસરો દ્વારા એમ પણ કહેવામાં આવ્યું હતું કે, આપણા સુરતમાં જેમ દિવસે-દિવસે ક્રાઈમમાં ઘટાડો જોવા મળી રહ્યો છે. ત્યારે નવ યુવાધન નશાના માર્ગે દોડી રહ્યું છે. ત્યારે મેં સુરત નવ યુવાનોને નશામાંથી મુક્તિ કઈ રીતે મેળવવી જે અંગે ઘણા બધા NGO અને યુથનેશન જેવી સંસ્થાઓ જોડે વાત કરીને સુરતને નશા મુક્ત બનાવવા માટે ચર્ચા પણ કરી હતી. ત્યારબાદ સુરત પોલીસ ડિપાર્ટમેન્ટ પણ શહેરના અલગ-અલગ વિસ્તારોમાં જે કોઈ જગ્યાએ નશા માદક દ્રવ્યોનું વેચાણ થતું હોય તે જગ્યાએ સુરત પોલીસ દ્વારા માદક દ્રવ્યોના વેચાણકારોને પકડીને શહેર નશા મુક્ત કરવા માટેનો મારો ધ્યેય છે. થોડા દિવસ પહેલા સુરત પોલીસે ઘણા બધા ડ્રગ્સ, ગાંજા જેવા માદક દ્રવ્યો પકડી પાડ્યા છે અને આ માટે શહેરના જાગૃત નાગરીકોનો ખૂબ જ મોટો ફાળો રહ્યો છે.

યુથેશન દ્વારા આયોજીત રેલી

પ્રજાસત્તાક દિવસે રેલીનું આયોજન

યુથનેશન છેલ્લા આઠ વર્ષથી સુરત અને સમગ્ર દક્ષિણ ગુજરાત સહિતના વિસ્તારોમાં રેલી અને નાટકોનું પ્રદર્શન કરવામાં આવે છે. લોકોને નશામુક્ત કરવા માટે કાર્યક્રમોનું આયોજન કરતા રહે છે. આજે આપણા દેશનો 72માં પ્રજાસત્તાક દિવસ નિમિત્તે અમારી ટીમ દ્વારા રેલીના આયોજનનો ધ્યેય શહેરના નવ યુવાધનના પરિવારોને નશામુક્ત કરવા માટેનું છે.

યુથેશન દ્વારા આયોજીત રેલી

યુવાધનને નશાથી દૂર રાખવાનો પ્રયત્ન

યુથનેશન દ્વારા જે લોકો નશાને માર્ગે દોડી રહ્યા છે. ખાસ કરીને શહેરમાં કોલેજ સ્ટૂડન્ટસમાં આ નશો વધારે જોવા મળી રહ્યો છે. તો અમારી સંસ્થા દ્વારા શહેરની અલગ-અલગ કોલેજોમાં જઈને કોલેજ સ્ટૂડન્ટસને નશા વિશે સમજણ આપી નશાથી દૂર રહેવા માટે માર્ગદર્શન આપવું તેવો અમારો પ્રયત્ન રહ્યો છે અને આ પ્રયત્ન ચાલુ જ રહેશે.