કોરોના દર્દી સાથે શારીરિક અંતર બનાવવું જોઈએ, સામાજિક નહીંઃ મનોચિકિત્સક

કોરોના કહેર વચ્ચે સારવાર મેળવી રહેલા પોઝિટિવ દર્દીઓની વેદના ખૂબ જ દયનીય હોય છે. કારણ કે, કોરોના દર્દીઓ સાથે લોકો અછૂત જેવો વ્યવહાર કરે છે. લોકો તેમનાથી અંતર બનાવી લે છે. જેની દર્દીને સીધી અસર માનસિક રીતે પડે છે. રોગના નિષ્ણાંતો અને મનોચિકિત્સક માની રહ્યા છે કે, આ રોગને કારણે યોગ્ય અંતર બનાવવું ઉચિત છે, પરંતુ દર્દીથી સામાજિક અંતર ન બનાવવું જોઈએ. પરિવાર અને મિત્રોના પ્રેમના કારણે કોરોનાના દર્દીઓમાં સાજા થવાની મનોસ્થિતિ વધી જતી હોય છે.

સુરતઃ ગુજરાતના પ્રખ્યાત મનોચિકિત્સક ડૉક્ટર મુકુલ ચોક્સીએ કોરોનાના કેટલાક દર્દીઓ સાથે થનાર વ્યવહારને તુલના 15 વર્ષ પહેલા એચઆઈવી ગ્રસ્ત દર્દીઓની સાથે થયેલા વ્યવહાર સાથે સરખાવી છે. અનેક દર્દીઓ છે કે, તેમનો રિપોર્ટ પોઝિટિવ આવ્યા બાદ અછૂતની જેમ પરિવાર અને મિત્રો તેમની સાથે વ્યવહાર કરતા હોય છે.

આ અંગે ડૉ. મુકુલ ચોક્સીએ જણાવ્યું હતું કે, દર્દીઓ સાથે સંવેદના રાખવી જોઈએ. પરિવાર અને મિત્રો સાથે કરવામાં આવતી વાતો તેમના માટે ખૂબ જ જરૂરી હોય છે. અનેક દર્દીઓ સાથે પોઝિટિવ આવ્યા બાદ દુર્વ્યવહાર થતો હોય છે. આજ કારણ છે કે, કોરોના દર્દીઓ પોતાની ઓળખ છુપાવવા માગે છે. જેથી લોકો તેને અછૂત તરીકે ન ગણે કોરોનાના દર્દીઓ સાથે સંવેદના રાખી અપનત્વ રાખવું ખૂબ જ જરૂરી છે. તેનાથી દર્દીઓ ઝડપથી સાજા થઇ શકે છે.

કેટલાક કેસોમાં કોરોના પોઝિટિવ આવતા પરિવારના સભ્યો અને મિત્રો દર્દીથી દુરી બનાવે છે. ત્યારે બીજી બાજુ આવા દર્દીઓને સારવાર આપનારા ડૉક્ટરો માટે આ દર્દીઓ જ તેમના પરિવાર બની ગયા છે. સ્મીમેર હોસ્પિટલના મેડિસીન વિભાગમાં રેસિડેન્ટ ડૉક્ટર તરીકે ફરજ બજાવતાં યુવા ડૉ. પાર્થ પટેલે છેલ્લાં ચાર મહિનાથી સ્મીમેર હોસ્પિટલ જ ઘર અને દર્દીઓને પરિવાર બનાવ્યા છે. દર્દીઓ પણ તેઓમાં પોતાના સ્વજનનો અનુભવ કરે છે. ડૉ. પાર્થ કહે છે કે, હું છેલ્લા ચાર મહિનાથી ઘરથી દૂર રહીને કોવિડ વોર્ડમાં ફરજ નિભાવું છું.

દર્દીઓની સારવાર દરમિયાન ઘણી કાળજી રાખવી પડતી હોય છે. ઘણીવાર દર્દી ગંભીર સ્થિતિમાં દાખલ થાય છે, ત્યારે તેમના પરિવારજનોને આશ્વાસન સાથે તેમને ધીરજ પણ આપવી પડે છે. ક્યારેક એવા પણ દર્દી દાખલ થાય છે જેમના વિચારો, વાણી અને સૌમ્ય વર્તનથી તેમના પ્રત્યે લાગણી બંધાય છે, અમે તેમનું સન્માન કરીએ છે.

સુરતની નવી સિવિલ હોસ્પિટલમાં ફરજ બજાવતા ડૉકટર સમીર ગામી કોરોના દર્દીઓની સારવાર કરતાં સંક્રમિત થઈ ગયા હતા. કોરોનાને માતા આપ્યા બાદ તેઓ ફરીથી ફરજ પર હાજર થયા છે અને પ્લાઝમા પણ ડોનેટ કર્યા છે. સમીર ગામીએ જણાવ્યું હતું કે, કોરોનાથી ભયભીત થવાની જરૂર નથી. દર્દીને પરિવાર અને મિત્રોની જરૂરિયાત થતી હોય છે. જેથી પરિવાર અને મિત્રો એ યોગ્ય અંતર બનાવવું જરૂરી છે, પરંતુ દર્દીથી સામાજિક દુરી ન બનાવવી જોઈએ.

દુબઈથી આવેલા ફેઝલ ચુનારા હાલ જ ત્રીજી વાર પ્લાઝમા ડોનેટ કરી ચૂક્યા છે. ફેઝલ જણાવ્યું હતું કે, તેમની રિકવરીમાં પરિવારનું ખાસ યોગદાન છે. પરિવાર અને મિત્રોના પ્રેમના કારણે ફેઝલ ઝડપથી સાજા થઇ શક્યા છે. ફેઝલે કોરોના દર્દીઓને જણાવ્યું હતું કે, ડૉક્ટરો અને મેડિકલ સ્ટાફને સહકાર આપવાથી આ રોગને માત આપવામાં વધુ આસાની રહે છે.