ગીર સોમનાથ જિલ્લાના ઉના અને ગીરગઢડા ગામે સેવા સંસ્થાના સ્વયંસેવકો 100 જનરેટર સાથે પહોંચ્યા

તૌકતે વાવાઝોડાથી થયેલા ખાના-ખરાબીની જાણ થતાં જ સુરતની “સેવા” સંસ્થાના સ્વયંસેવકો વાવાઝોડા અસરગ્રસ્ત જિલ્લામાં 100 જનરેટર સાથે પહોચ્યા હતા. “સેવા પરમો ધર્મ” સુત્રને સાર્થક કરવા જેઓની જે કામમાં નિપુણતા હોય તે કામમાં સેવાના અનેક યોદ્ધાઓ વતનની વ્હારે સેવામાં જોડાય ગયા છે. સુરતની “સેવા” સંસ્થાની મુખ્ય કમિટી હાલમાં ગીર સોમનાથ જિલ્લામાં પહોંચીને તંત્રની સાથે ખભે ખભો મળાવી આ વિકટ પરીસ્થીતીમાંથી લોકોને બહાર કાઢવા કામગીરી શરૂ કરી દીધી છે.

• 'સેવા' સંસ્થાના સ્વયંસેવકોની સેવા
• એક ગામમાં એક દિવસમાં છ કલાક પાવર મળે તેવી વ્યવસ્થા ગોઠવાઇ
• વિવિધ ગામોમાં જનરેટરની મદદથી વીજળી પૂરી પાડવાનું કાર્ય હાથ ધરાશે

સુરતઃ છેવાડાના ગામોમાં કાંઠાના વિસ્તારનાં 35 ગામોને બાદ કરતા અંદાજીત કુલ 150 ગામ અને 35 ગામમાં પાણીની લાઈનની વ્યવસ્થા નહીં હોવાથી ટેન્કર મારફતે સપ્લાય આપવાની વ્યવસ્થા થનારી છે. બીજા ગામોમાં સરકારી પાણીની વ્યવસ્થા છે. જ્યાં આ જનરેટર મારફતે ત્યાંથી પમ્પીંગ મોટરોને વિજળી પૂરી પાડીને મુખ્ય ટાંકાઓ ભરવામાં આવશે. જેનાથી તમામ ગામોમાં પાણી દરેક ઘર સુધી પહોચી જશે. જે સંકલન સુરતની “સેવા” સંસ્થા સાથે સંકળાયેલા સેવાના સાથી અને 3 ગામના સરપંચ એવી રીતે આ મુજબ એક ટીમ બનશે.

એક ગામમાં એક દિવસમાં છ કલાક પાવર મળે તેવી વ્યવસ્થા ગોઠવાઇ

આ પણ વાંચોઃ તૌકતે વાવાઝોડાને પગલે રોપ-વે અપર સ્ટેશન તેમજ દાતાર પર્વત પરના પતરા ઉડ્યા

ટીમ મારફતે પાણી પહોંચાડવાની પૂરતી વ્યવસ્થા કરવામાં આવી

વિવિધ ગામમાં આ ટીમ મારફતે પાણી પહોંચાડવાની પૂરતી વ્યવસ્થા કરવામાં આવી છે. પાણી પૂરવઠો પૂરતી માત્રામાં અપાઇ ગયા બાદ અન્ય વધારાના સમયમાં જે તે ગામમાં વિવિધ જરૂરીયાત મુજબ જનરેટરથી વીજળી પૂરી પાડવાનું કાર્ય થવાનું છે. એક ગામમાં એક દિવસમાં 6 કલાક પાવર મળે એવી વ્યવસ્થા ગોઠવેલી છે.

આ પણ વાંચોઃ માળિયા તાલુકાના કાત્રાસા ગામમાં તૌકતે વાવાઝોડાથી થયેલા નુકસાનનું વળતર આપવા ગ્રામજનોની માગ