યુવતી રીક્ષામાં 8 લાખના દાગીનું બેગ ભૂલી ગઈ, રીક્ષા ચાલકે પોલીસની મદદથી બેગ પરત કરી

વડોદરાથી સામાજિક પ્રસંગમાં આવેલી યુવતી રીક્ષામાં પોતાનું બેગ ભૂલી ગઈ હતી અને બેગમાં 8 લાખની કિમતના દાગીના હતા. આ બનાવને લઈને યુવતીએ પોલીસની મદદમાંગી હતી. જેથી પોલીસે યુવતી જ્યાંથી રીક્ષામાં બેથી અને જ્યાં રીક્ષામાં ઉતરી ત્યાં સુધીના સીસીટીવી ફૂટેજ કાઢી ગણતરીના કલાકોમાં જ દાગીના ભરેલી બેગ પરત અપાવી હતી.

• વડોદરાથી સામાજિક પ્રસંગમાં આવેલી યુવતી રીક્ષામાં બેગ ભૂલી ગઈ
• બેગમાં 8 લાખની કિમતના દાગીના હતા
• બેગ સહી સલામત મળતા યુવતીએ રીક્ષા ચાલક અને પોલીસનો આભાર વ્યક્ત કર્યો

સુરત:વડોદરા ખાતે રહેતી હેની અરવિંદભાઈ પટેલ સામાજિક કાર્યક્રમ માટે વડોદરાથી સુરત આવી હતી. બસમાંથી પાટિયા સ્વામીનારાયણ મંદિર પાસે ઉતરી હતી. ત્યાંથી રીક્ષામાં બેસી સુરત રેલ્વે સ્ટેશનના ગરનાળા પાસે ઉતરી હતી. પરંતુ રીક્ષામાં ઉતરતી વખતે તે પોતાની સાથે લાવેલું બેગ રીક્ષામાં જ ભૂલી ગઈ હતી. બેગમાં 8 લાખની કિમતના દાગીના હતા. જો કે આખરે યુવતીને રીક્ષામાં દાગીના ભુલાઈ જવાનું માલુમ પડતા તે તાત્કાલિક મહિધરપુરા પોલીસ મથકે પહોચી હતી અને પોલીસને સમગ્ર હક્કિત જણાવી હતી

સીસીટીવી ફૂટેજ તપાસી રીક્ષા ચાલકની જાણકારી મેળવી

ઘટનાને લઈને પોલીસે યુવતીને સાથે રાખી તે જે જગ્યાએથી રીક્ષામાં બેથી હતી અને જે જગ્યા પર ઉતરી તે દરમ્યાન આવતા તમામ સીસીટીવી ફૂટેજ તેમજ તમામ પોલીસ મથકોના સીસીટીવી ફૂટેજ અને પોલીસ કંટ્રોલમાં સુરત શહેરના સીસીટીવી ફૂટેજ તપાસી રીક્ષા ચાલકની જાણકારી મેળવી હતી.

યુવતીએ રીક્ષા ચાલક અને પોલીસનો આભાર વ્યક્ત કર્યો

રીક્ષા ચાલકની ભાળ મળ્યા બાદ પોલીસની ટીમ પર્વત પાટિયા પહોચી હતી અને ત્યારબાદ રીક્ષા ચાલકે સહી સલામત દાગીના ભરેલી બેગ પરત યુવતીને આપી હતી. પોતાની બેગ સહી સલામત મળતા યુવતીએ રીક્ષા ચાલક અને પોલીસનો આભાર વ્યક્ત કર્યો હતો. તેમજ પોલીસે કરેલી કામગીરીની પ્રસંશા પણ કરી હતી.

બેગમાં સરનામાના ટેગ લગાડવા જોઈએ

રીક્ષા ચાલકને રીક્ષામાં બેગ હોવાનું માલુમ ન હતું. પોલીસે જાણ કર્યા બાદ તેણે રીક્ષામાં તપાસ કરતા બેગ મળી આવ્યું હતું. રીક્ષા ચાલકની ઈમાનદારીને પણ પોલીસે પણ બિરદાવી હતી. હેનીએ રીક્ષા ચાલકની વાતને યાદ કરતા જણાવ્યું હતું કે, રિક્ષા ચાલકની એક વાત યાદ રહેશે બેગમાં આપણા નામ અને સરનામાના ટેગ લગાડવા જોઈએ. દરેક વ્યક્તિની દાનત ખરાબ નથી હોતી. સારા વ્યક્તિઓ આવી કિંમતી ભરેલી બેગ આપવા દૂર સુધી એડ્રેસ પર આવવા પોતાની જવાબદારી સમજે છે.

આ પણ વાંચો:Income tax raids in Surat:સુરત શહેરમાં બિલ્ડરો અને જ્વેલર્સો પર દરોડા

આ પણ વાંચો:Student's corona positive Surat: સુરતની સંસ્કાર ભારતી શાળામાં વિદ્યાર્થી કોરોના પોઝીટીવ