10 ટકા Additional chargeને લઇ મિલસંચાલકો અને ફેડરર સામસામે

પ્રોસેસર્સ દ્વારા 10 ટકા એડિશનલ ચાર્જ (Additional charge) વધારો જાહેર કરાયો તેનો વેપારી સંગઠનો દ્વારા વિરોધ કરાયો છે. દર વર્ષે ચોમાસામાં કોલસાના ભાવ વધતા હોય ચાર્જીસ વધારવાની કોઇ શક્યતા નહીં હોવાની દલીલ વ્યાપારી સંગઠનો દ્વારા કરાય છે. સાથે વેપારીઓ જણાવી રહ્યાં છે કે હાલ ઉદ્યોગમાં મંદી છે કોરોનાના (Corona) કારણે ઉદ્યોગની સ્થિતિ કફોડી બની છે ત્યારે આ ચાર્જીસ વેપારી ભરી શકે તેવી સ્થિતિ નથી.

• પ્રોસેસર્સ દ્વારા 10 ટકા એડિશનલ ચાર્જ વધારો જાહેર કરાયો
• વેપારીઓ મુજબ દર વર્ષે વરસાદમાં કોલસાનો ભાવ વધતો હોય છે
• ચાર્જીસ વેપારી ભરી શકે તેવી સ્થિતિ નથી

સુરત : દક્ષિણ ગુજરાત ટેકસટાઇલ પ્રોસેસર્સ એસોસિએેશન (South Gujarat Textile Processors Association) દ્વારા તારીખ 16 જુલાઈથી કુલ બિલ પર એનર્જી પેટે 10 ટકા એડિશનલ ચાર્જીસ (Additional charge) વધારવાની જાહેરાત કરવામાં આવી છે. તેને વેપારી સંગઠનના અયોગ્ય ગણાવી રહ્યાં છે. વેપારીઓ મુજબ દર વર્ષે વરસાદમાં કોલસાનો ભાવ વધતો હોય છે તે થોડા સમય પાછા ઘટી જાય છે તેથી ચાર્જ ઉપરાંત એનર્જી ચાર્જ લાગુ કરવો ખોટું છે. કોવિડ પહેલા જ્યારે કેમિકલ અને કોલસાનો ભાવ વધ્યો હતો ત્યારે વેપારી અને પ્રોસેસર છે એક મંચ પર ચર્ચા કરી ભાવ નક્કી કર્યા હતાં.

વેપારીઓ સતત વિરોધ નોંધાવી રહ્યાં છે

દક્ષિણ ગુજરાત ટેકસટાઇલ પ્રોસેસર્સ એસોસિએેશન (South Gujarat Textile Processors Association) દ્વારા કરાયેલા નિર્ણયને લઈ વેપારીઓ એનર્જી ચાર્જનો વિરોધ કરી રહ્યાં છે. નોંધનીય છે કે બે દિવસ પૂર્વે જ સાઉથ ગુજરાત ટેકસટાઇલ પ્રોસેસર્સ એસોસિએેશન દ્વારા કોલસા, કલર, કેમિકલ અને પેટ્રોલ ડિઝલની વધતી કિંમતોના પગલે 13 ટકાનો સરેરાશ વધારો થયો હોઇ કુલ બિલ પર એનર્જી પેટે 10 ટકા એડિશનલ ચાર્જીસ (Additional charge) લગાડવાની જાહેરાત કરી છે એના પગલે વેપારીઓ સતત વિરોધ નોંધાવી રહ્યાં છે.

આ પણ વાંચોઃ Processing Industriesએ યુટીલિટી ચાર્જમાં 10 ટકાનો કર્યો વધારો, કોલસા અને કલરના ભાવ વધવાની અસર

વેપારી દિનેશ કટારિયાએ જણાવ્યું હતું કે ટ્રેડર્સની સ્થિતિ નથી કે તેઓ 10 ટકા ચાર્જીસ આપી શકે. અત્યારે ઘણો માલ જેમનો તેમ પડ્યો છે. વેપારનું વાતાવરણ નથી. જે સમસ્યા (Additional charge) મિલ સંચાલકોને છે તે અમને પણ લાગુ થાય છે.

આ પણ વાંચોઃ હોલસેલમાં 150 રૂપિયામાં મળતી PPE કિટના અનેક હોસ્પિટલોએ 1 હજાર રૂપિયા વસૂલ્યા, હવે તપાસ થશે !