સુમુલ ડેરી પશુપાલકોને 227 કરોડ રૂપિયા બોનસ ચૂકવશે

સુમુલ ડેરીમાં સોમવારે એક મહત્વની બેઠકનું આયોજન હાથ ધરવામાં આવ્યું હતું. જેમાં સુમુલ ડેરીના તમામ ડિરેક્ટર અને ચેરમેન હાજર રહ્યા હતા. બેઠકને લઈને પશુપાલકોને સૌથી વધુ ફાયદો થયો છે. જેમાં સુમુલ ડેરીના ચેરમેન માનસિંગ પટેલ દ્વારા પશુપાલકો માટે બોનસની જાહેરાત કરી છે. સુમુલ ડેરી દ્વારા પશુપાલકોને કિલો ફેટ દીઠ રૂપિયા 86 નફો આપવાનો નિર્ણય કર્યો છે.

• સુમુલ ડેરી દ્વારા કરાઈ જાહેરાત
• પશુપાલકોને 227 કરોડ બોનસ ચૂકવાશે
• પ્રતિ કિલો ફેટ 86 રૂપિયા બોનસ અપાશે

સુરત: સુમુલ ડેરી પશુપાલકો માટે ખુશ ખબર લાવી છે. સુમુલ ડેરીના ચેરમેન માનસિંગ પટેલે પશુપાલકો માટે બોનસ જાહેર કર્યું છે. પશુપાલકોને કિલો ફેટ દીઠ 86 રૂપિયા બોનસ આપવામાં આવશે. આ રીતે કુલ 227 કરોડ રૂપિયા બોનસ સુમુલના પશુપાલકોને ચૂકવાશે. આગામી 4 જૂનના રોજ મંડળીના બેન્ક ખાતામાં બોનસ જમા થશે.

227 કરોડનું બોનસ આપશે

આ નિર્ણયના કારણે સુમુલ ડેરી પશુપાલકોને રૂપિયા 227 કરોડનું બોનસ આપશે. આગામી 4 જૂનના રોજ મંડળીના બેંક ખાતામાં આ બોનસની રકમ જમા કરાવી દેવામાં આવશે. સુમુલ ડેરી દ્વારા જે રીતે મહત્વનો નિર્ણય લેવામાં આવ્યો છે. જેના કારણે પશુપાલકોમાં પણ ખુશીની લહેર જોવા મળી રહી છે.