સુરત : રાજ્યમાં ગાંજાની રફતાર આયાત-નિકાસમાં કંઈક તેજ જોવા મળે છે. કચ્છનો દરિયાઈ કાંઠો હોય કે પછી મોરબી, દ્વારકા વિસ્તાર હોય..! અવારનવાર ગાંજો, દારુનો જથ્થો પોલીસે પકડી પાડ્યાના સમાચાર જોવા મળે છે. ત્યારે રાજ્યમાં ફરી એક વખત સુરત ગ્રામ્ય SOGની ટીમે મોટી માત્રામાં ગાંજો (Surat Cannabis Seized) ઝડપી પાડ્યાના સમાચાર સામે આવી રહ્યા છે. કામરેજ તાલુકાના ઉંભેળ ગામ નજીકથી મોટી માત્રામાં ગાંજો મળી આવ્યો છે. જે ગાંજાને લઈને સુરત ગ્રામ્ય SOGની ટીમે કાર્યવાહી હાથ ધરી હતી.
બાતમીના આધારે પોલીસના છાપા - સુરત જિલ્લા SOG પોલીસની અલગ અલગ ટીમો પેટ્રોલીંગમાં (Surat SOG Team Operation) હતી. તે દરમિયાન ખાનગી રાહે બાતમી મળી હતી કે, ઉંભેળ ગામની સીમમાં ને.હા.48ની બાજુમાં આવેલી હોટલ મહાદેવના (Mahadev Hotel Cannabis Seized) પાછળની તરફના પાર્કિંગમાં એક કન્ટેનર ટ્રક પાર્ક કરેલો છે. જે ટ્રકમાં કોઈ શંકાસ્પદ પદાર્થ ભરેલો છે. જે હકીકતના આધારે SOG પોલીસની ટીમ પહોંચી હતી.
આ પણ વાંચો :Cannabis seized in Surat: SOGએ રિક્ષાની તપાસ કરતા સામે આવી ચોંકાવનારી ઘટના