પુણા ગામ પોલીસને બાતમી મળી હતી કે, કેટલાક લોકો મુંબઈથી સુરતના કડોદરા રોડ ઉપર બ હજારના દરની નકલી નોટો લઈ નિયોલ ચેકપોસ્ટ ખાતે આવી રહ્યા છે. જેથી બાતમીના આધારે પુણા પોલીસે વોચ ગોઠવી 4 આરોપીઓને ઝડપી પાડ્યા હતા. આરોપીઓની પાસે રહેલા બેગમાં તપાસ કરતા 2 હજારના દરની નકલી નોટો મળી 9981 જેટલી નોટો પોલીસે જપ્ત કરી હતી. જ્યારે નોટોના બંડલ પર ઉપર અને નીચેના ભાગે રહેલી અસલી 19 જેટલી નોટો મળી 38000 હજારનો મુદ્દામાલ ઝપ્ત કર્યો હતો.
આ આરોપીઓ જે વ્યક્તિઓ પાસે 500 અને 100 રૂપિયાની નોટો હોય તેમને બે હજારની નકલી નોટ પધરાવી અસલી નોટ કઢાવી લેવાનો પ્લાન બનાવ્યો હતો.સાથે જ દિવાળીનો તહેવાર હોવાથી બેંકો સહીત અલગ અલગ સ્થળોએ રૂપિયાની લેવડદેવડ વધુ હોય છે. જેથી આબેહુમ બે હજારના દરની નોટો વટાવવાનો આરોપીઓનો પ્લાન હતો. ઝડપાયેલા આરોપીઓમાં જુબેર અહેમદ કુરેશી, ચંદ્રભાન મૌર્ય, ઇમરાન શેખ, સલીમ શેખની ધરપકડ કરવામાં આવી હતી. જ્યારે અવિનાશ ઠાકોર નામના આરોપીને વોન્ટેડ જાહેર કરવામાં આવ્યો છે.
હાલ પુણા પોલીસ આરોપીઓના રિમાન્ડ મેળવવાની તજવીજ હાથ ધરી છે. આરોપીઓએ હમણાં સુધી કેટલા લોકો સાથે છેતરપિંડી કરી તેની પણ પુણા પોલીસે તપાસ હાથ ધરી છે.
