સુરત : મકરસંક્રાંતિના (Makar sankranti 2022) દિવસોને હવે ગણતરીના દિવસો બાકી રહ્યા છે. જો કે પતંગરસિયાઓ આ વર્ષે પતંગ માટે વધુ કિંમત ચૂકવવી પડશે. કાચા માલની શોર્ટેજ તેમજ લેબર ચાર્જમાં વધારો (Price hike in Surati Kites) નોંધાયો છે. જેને પગલે પતંગની કિંમતમાં 100 નંગ પતંગે રૂ.150 થી રૂ 200નો વધારો થયો છે. આ વર્ષે સુરતના પતંગ બજારમાં પતંગનો ભાવ 35 ટકાથી પણ વધારે (Uttarayan 2022 )નોંધાયો છે.
સુરતના માંજા અને પતંગોની મોટી ડીમાન્ડ હોય છે
ઉત્તરાયણ (Uttarayan 2022 )ગુજરાતનો સૌથી વધુ પ્રચલિત અને પ્રિય તહેવાર છે. સુરત અને અમદાવાદ આ તહેવારોનું મુખ્ય હબ છે. ત્યારે મકરસંક્રાંતિની ((Uttarayan 2022 )) વાત કરીએ તો સામાન્ય રીતે પાંચ મહિના પહેલાંથી બજારોમાં પતંગ અને દોરીની ડિમાન્ડ ફૂલ થઈ જાઈ છે. જો કે કોરોનાને કારણે તેમાં છેલ્લા બે વર્ષથી રાહુકાળ ચાલી રહ્યો છે. ગત વર્ષની જેમ આ વર્ષે પણ તહેવાર ફિક્કો જવાની શક્યતા વર્તાય રહી છે. કાચા માલની મર્યાદિત આવક સાથે મજૂરીના ચાર્જ પણ બે ગણો (Price hike in Surati Kites) નોંધાયો છે. જેથી પતંગના ભાવમાં નોંધાયેલા 25 થી 35 ટકા જેટલા વધારાને કારણે માલ વેચાશે કે નહીં તે અંગે વેપારીઓમાં ચિંતા છે.