સુરતઃ મંગળવારે સાંજે 8 કલાકે વડાપ્રધાન નરેન્દ્ર મોદીએ લોકોને હાથ જોડી ઘરમાં રહી સોશિયલ ડિસ્ટન્સ રાખવા માટે અપીલ કરી હતી, પરંતુ તેમની વાત જાણે રાજ્યના આરોગ્યપ્રધાન કુમાર કાનાણી એ સાંભળી નથી તેવું લાગી રહ્યું છે. કારણ કે શહેરમાં 72 કલાકમાં તૈયાર થયેલા કોરોના હોસ્પિટલની વિઝીટ માટે આવેલા આરોગ્યપ્રધાન કુમાર કાનાણી માસ્ક પહેરીયા વગર આરોગ્ય વિભાગના અધિકારીઓ અને સિવિલ હોસ્પિટલના ડોક્ટરોની ટીમ સાથે એકબીજાની નજીક ઉભા જોવા મળ્યા હતા.
સુરતમાં PMની અપીલનું આરોગ્યપ્રધાને બનાવ્યું મજાક, વગર માસ્કે એક બીજાને ચીપકીને ફોટોસેશન કરાવ્યું વડાપ્રધાનની અપીલને આરોગ્યપ્રધાને માની નથી. તેવું સ્પષ્ટ દેખાઇ રહ્યું છે, પરંતુ તેમની સાથે આ ખાસ હોસ્પિટલ બનાવવા માટે જે સ્પેશિયલ ઓફિસરની નિંમણૂક કરવામાં આવી છે, તેવા મહેન્દ્ર પટેલ સિવિલ હોસ્પિટલ ઈન્ચાર્જ સુપરિટેન્ડન્ટ પ્રીતિ કાપડિયા, ધારાસભ્ય પ્રવીણ ઘોઘારી, કાંતિ વલર ઘોઘારી અને શહેરના નામાંકિત ડોક્ટરો પણ સામેલ હતા. આ તમામ લોકો પર કોરોના વાઇરસને ડામવાની જવાબદારી છે. જ્યારે પોતે વડાપ્રધાન વારંવાર હાથ જોડીને લોકોને અપીલ કરી રહ્યા હોય અને તેમની આ અપીલને ઘોળીને પી ગયેલા તમામ લોકો સામે માત્ર એક જ પ્રશ્ન છે કે જો તમે વડાપ્રધાનની અપીલ નહીં સાંભળો તો પ્રજાની સામે શું કહેશો.
કુમાર કાનાણીને વગર માસ્ક પહેરી અધિકારીઓ અને મેડિકલ સ્ટાફ સાથે કોરોના હોસ્પિટલની બહાર ફોટોસેશન પણ કરાવ્યું હતું અને તેમના આ તમામ વીડિયો અને તસવીરો સોશિયલ મીડિયા પર વાઇરલ થઇ રહ્યાં છે.
