સુરત: શહેરમાં માત્ર 10 દિવસમાં 70,000 વૃક્ષોનું રોપણ કરવામાં આવ્યું છે. જેને ગુજરાત બુક ઓફ રેકોર્ડમાં સામેલ કરવામાં આવ્યું છે. આ ખાસ આયોજન 6 સપ્ટેમ્બરથી શરૂ કરવામાં આવ્યું હતું.
સુરત મહાનગરપાલિકાના ડેપ્યુટી મેયર દ્વારા આ અભિયાન ખાસ વડાપ્રધાન નરેન્દ્ર મોદીના 70મા જન્મદિવસની ઉજવણી અંતર્ગત કરવામાં આવ્યું હતું. જેમાં શહેરના વિવિધ સંસ્થાઓએ જોડાઇને શહેરના વિવિધ સ્થળો પર વૃક્ષારોપણ કર્યું હતું.
માત્ર 10 દિવસમાં સુરતના વિવિધ વિસ્તારોમાં 70,000 વૃક્ષારોપણ આ અંગે નીરવ શાહે જણાવ્યું હતું કે, સુરત શહેરમાં 70,000 વૃક્ષો વાવીને તેમને ઉછેરવાના કાર્યક્રમનું આયોજન વડાપ્રધાન નરેન્દ્ર મોદીના 70મા જન્મદિવસને ધ્યાનમાં રાખી કરવામાં આવ્યું હતુ.
6 સેપ્ટમ્બરથી શરૂ કરવામાં આવેલા આ કાર્યક્રમમાં 70,000 વૃક્ષોનું વાવેતર કરવામાં આવ્યું છે. આ સિદ્ધીને ગુજરાત બુક ઓફ રેકોર્ડમાં સ્થાન આપવામાં આવ્યું છે.
તેમણે વધુમાં જણાવ્યું હતું કે, આ કાર્યક્રમમાં વૃક્ષોનું રોપણ કરી દરેક વઋક્ષની કાળજી લેવાનો સંકલ્પ દરેક લોકો દ્વારા કરવામાં આવ્યો છે.
