આ ભારતીયો સાઉદી અરબની એક કંપનીમાં નોકરી કરે છે. જે લોકોને ભારત પરત આવવું છે, પરંતુ તેઓ પરત આવી શકે તેમ નથી. કારણ કે, ત્યાંની વર્ક પરમીટ જે પૂર્ણ થઈ ગઈ છે તેને કંપની દ્વારા રીન્યુ કરી અપાતી નથી. તેથી આ મૂળ ભારતીયો અરબમાં ફસાયા છે. સુરત જિલ્લાના મહુવા તાલુકાના કોષ ગામના કલ્પેશ લાડ અને ભીખુ પટેલ પણ ત્યાં ફસાયની વાત મળતા જ પરિવાર પણ જાણે આભ તૂટી પડ્યું છે. સાઉદી અરબની આ કંપની દ્વારા છેલ્લા 7 થી 8 મહિનાથી પગાર ચુકવવામાં આવ્યો નથી અને જે પરિવારની પરિસ્થિતિ સુધારવા માટે ઘરથી હજારો કિલોમીટર દૂર વિદેશમાં નોકરી માટે ગયેલા ઘરના મોભી જ જો આવી રીતે વિદેશમાં ફસાય જાય તો, ઘરની પરિસ્થિતિ શું હશે તે તો વિચારીને જ ખબર પડી જાય.
સાઉદી અરબમાં સુરતના બે યુવાનો ફસાયા