- સુરત મહાનગરપાલિકા પણ અમદાવાદની જેમ 'રસી નહીં તો પ્રવેશ નહીં'ના નિર્ણય અંગે કરી રહી છે વિચારણા
- સુરતમાં ગણેશોત્સવ બાદ કોરોના કેસો જોવા મળી રહ્યા છે
- સુરતમાં અત્યારે વેક્સિનેશનની 96 ટકા કામગીરી પૂર્ણ થઈ ગઈ છે
સુરતઃ શહેરમાં ગણેશોત્સવ પછી કોરોનાના કેસ જોવા મળી રહ્યા છે. હાલમાં જ સરકારના નિર્ણય પછી નવરાત્રિની તૈયારી ચાલી રહી છે. આ તમામની વચ્ચે સુરત મહાનગરપાલિકા અગત્યનો નિર્ણય લેવા વિચારણા કરી રહી છે. જે રીતે અમદાવાદ મ્યુનિસિપલ કોર્પોરેશને BRTS બસ, હોટેલ, રેસ્ટોરાં જેવી જગ્યાઓ પર કોરોનાના બે ડોઝ લેનારને જ પ્રવેશની મંજૂરી આપી છે. તે જ રીતે હવે સુરત મહાનગરપાલિકા પણ હોટલ, જિમ, થિએટરમાં વેક્સિનના બે ડોઝના સર્ટિફિકેટ વગર પ્રવેશ નહીં આપવા માટે વિચાર કરી રહી છે.
સુરતમાં અત્યારે વેક્સિનેશનની 96 ટકા કામગીરી પૂર્ણ થઈ ગઈ છે
દરેક વ્યક્તિએ રસીના 2 ડોઝ લીધા હોવાનું સર્ટિફિકેટ બતાવવું પડશે