પુત્રનું ધ્યાન રાખવા પત્ની સવારે, તો પતિ રાત્રે એમ્બ્યુલન્સમાં બજાવે છે ફરજ

સુરત શહેરમાં વાઘાણી દંપતિ હાલ સેવા અને કર્તવ્યનિષ્ઠા મિશાલ બન્યા છે. પતિ એમ્બ્યુલન્સમાં કામ કરે છે તો પત્ની 108 એમ્બ્યુલન્સની મહિલા આઈએમટી છે. પોતાના 7 મહિનાના પુત્રની કાળજી લેવા માટે પત્ની સવારે તો પતિ રાત્રે ડ્યૂટી કરે છે. પુત્રને દિવસે જ્યારે ભૂખ લાગે ત્યારે પત્ની જ્યા ફરજ હોય ત્યાં પતિ પુત્રને લઈ જાય છે.

• કોરોના વોરીર્યર્સ પરિવારની ચીંતા કર્યા વગર નિભાવી રહ્યા છે ફરજ
• 7 મહિનાના પુત્રની કાળજી લેવા માટે પત્ની સવારે તો પતિ કરી રહ્યા છે રાત્રે ડ્યૂટી
• પતિ એમ્બ્યુલન્સમાં કામ કરે છે તો પત્ની 108 એમ્બ્યુલન્સની મહિલા આઈએમટી છે

સુરતઃ રાજ્યમાં કોરોનાના કેસમાં સતત વધારો થઈ રહ્યો છે. ત્યારે આ કોરોના કાળમાં કોરોના વોરીર્યર્સ પરિવારની ચીંતા કર્યા વગર પોતાની ફરજ નિભાવી રહ્યા છે. ત્યારે શહેરમાં વાઘાણી દંપતિ હાલ સેવા અને કર્તવ્યનિષ્ઠા મિશાલ બન્યા છે. પતિ એમ્બ્યુલન્સમાં કામ કરે છે તો પત્ની 108 એમ્બ્યુલન્સની મહિલા આઈએમટી છે. પોતાના 7 મહિનાના પુત્રની કાળજી લેવા માટે પત્ની સવારે તો પતિ રાત્રે ડ્યૂટી કરે છે. પુત્રને દિવસે જ્યારે ભૂખ લાગે ત્યારે પત્ની જ્યા ફરજ હોય ત્યાં પતિ પુત્રને લઈ જાય છે.

બાળકની કાળજીની સાથે સાથે તેઓ દર્દીઓની પણ કરી રહ્યા છે સેવા

પુણે રહેતી 25 વર્ષીય દિક્ષિતા વાઘાણી 108માં આઈએમટી છે. જ્યારે પતિ રમેશ ખાનગી હોસ્પિટલમાં એમ્બ્યુલન્સમાં કામ કરે છે. બંનેને એક 7 મહિનાનું બાળક છે, તેમ છતાં કોરોના કાળમાં બાળકની કાળજીની સાથે સાથે તેઓ દર્દીઓની પણ સેવા કરી રહ્યા છે. પુત્ર દક્ષને સાચવવા દિક્ષિતા દિવસે નોકરી કરે છે, તો પિતા રમેશ રાત્રે ડ્યૂટી પર જાય છે. દિવસે દક્ષને ભૂખ લાગે ત્યારે દિક્ષિતા જ્યા ફરજ પર હોય ત્યાં રમેશ લઈ જાય છે.